नेपालको नयाँ राष्ट्रपतिमा निर्वाचित भए रामचन्द्र पौडेलका दिनहरु व्यस्त हुन थालेका छन् ।
बिहीबार नेपाली कांग्रेसका वरिष्ठ नेता रामचन्द्र पौडेल नेपालको नयाँ राष्ट्रपतिमा निर्वाचित भएका हुन् । पौडेलले नेकपा एमालेबाट उम्मेदवार सुवासचन्द्र नेम्वाङलाई पराजित गरेका हुन् । संघीय संसद, राष्ट्रिय सभा र प्रदेश सभाका सदस्य रहेको निर्वाचक मण्डलबीच निर्वाचन भएको थियो । पौडेलले ३३ हजार ८०२ मत ल्याएका छन् भने नेम्वाङले १५ हजार ५१८ मत ल्याएका थिए ।
पौडेल नेकपा ९माओवादी केन्द्र०, नेकपा ९एकीकृत समाजवादी०, जनता समाजवादी पार्टी नेपाल, लोकतान्त्रिक समाजवादी पार्टी नेपाल, जनमत पार्टी, नागरिक उन्मुक्ति पार्टी, राष्ट्रिय जनमोर्चा, नेपाल समाजवादी पार्टीलगायत विभिन्न राजनीतिक दलका साझा उम्मेदवार थिए । आफ्नो पार्टी नेपाली कांग्रेससँग । उनी प्रतिनिधिसभाका पूर्व सभामुख र संविधानसभाका अध्यक्ष हुन् ।
राष्ट्रपतिमा निर्वाचित भएपछि पौडेलले कीर्तिपुर नगरपालिका–४ चम्पादेवीस्थित पुष्पलाल स्मृति पार्कमा नेपाल कम्युनिष्ट पार्टीका संस्थापक पुष्पलाल श्रेष्ठप्रति श्रद्धाञ्जली अर्पण गरेका थिए । सो अवसरमा उहाँलाई पुष्पलाल स्मृति प्रतिष्ठानका अध्यक्ष तथा नेकपा ९एकीकृत समाजवादी०का अध्यक्ष माधवकुमार नेपाल, सांसद राजेन्द्रकुमार केसीलगायत राजनीतिक व्यक्तित्वले स्वागत गर्नुभएको थियो । राष्ट्रपति पौडेलले आगन्तुक पुस्तिकामा हस्ताक्षर गर्दै निकुञ्ज अवलोकन गरेकोमा खुसी व्यक्त गर्दै यसको विकास र प्रगतिको कामना गरे ।
अर्को कार्यक्रममा राष्ट्रपति पौडेलले बोडेगाउँस्थित भट्टराई आश्रम पुगेर नेपाली काँग्रेसका संस्थापक नेता तथा पूर्व प्रधानमन्त्री कृष्णप्रसाद भट्टराईको शालिकमा माल्यार्पण गरेका थिए । उनलाई पूर्वगृहमन्त्री एवम् नेपाली काँग्रेसका उपसभापति पूर्णबहादुर खड्का, पूर्वराजदूत तथा नेपाली काँग्रेसका नेता दीपकुमार उपाध्यायलगायत राजनीतिक नेताहरुले स्वागत गरेका थिए ।
गोकर्णेश्वर नगरपालिका–२ सुन्दरीजलस्थित बीपी सङ्ग्रहालयमा बीपी कोइराला, गणेशमान सिंह, कृष्णप्रसाद भट्टराई, रामनारायण मिश्र, दिवानसिंह राई, योगेन्द्र शेरचनलगायतका नेताको शालिकमा माल्यार्पणपछि आयोजित कार्यक्रममा राष्ट्रपति पौडेल पनि सहभागी भएका थिए । १। उनले नागरिकमा उत्साह कायम गर्नुपर्नेमा जोड दिँदै जनताको निराशालाई आशामा परिणत गर्ने वाचा गरे ।
संवैधानिक व्यवस्थाअनुसार राष्ट्रपतिको पदावधि पाँच वर्ष हुने र दुई कार्यकालभन्दा बढीका लागि निर्वाचित हुन पाउने व्यवस्था छ । नयाँ राष्ट्रपतिले पदभार ग्रहण गरेसँगै मुलुकलाई समृद्धिको बाटोमा लैजान राजनीतिक स्थायित्व र सुशासनको अपेक्षा गरेको छ ।
