आज सम्पन्न मिस नेवाःको ग्राय्ण्ड फिनालेमा कृषा महर्जन मिस नेवाः ११४१ घोषित भएकी छिन् । मिस नेवाःया मुख्य टाइटलसँगै उनले बेस्ट नेपालभाषा टाइटल पनि जितेकी छिन् । डल्लु, काठमाडौं बस्ने महर्जनले यस टाइटलसँगै एक लाख नगद पुरस्कार जितेकी छिन् ।
कार्यक्रममा फर्स्ट रनर अप प्रिया तण्डुकार र सेकेण्ड रनर अप क्रिस्टिना महर्जनले जितेका छन् । यी टाइटलसँगै तण्डुकारले मिस पब्लिक च्वाइस र महर्जनले मिस चार्मिंग टाइटल पनि हात पारे । त्यसै गरी मिस फ्रेण्डशीप, मिस फोटोजेनिक र मिस ट्यालेन्ट मनिका खड्गी, मिस बेस्ट स्माइल सौर्य शाही, मिस बेस्ट स्क्रिन र सोसल वेरफेयर रोहिना महर्जन, मिस बेस्ट हेयर र मिस पर्सनालिटी लेनिका डंगोल, मिस डिसिप्लिन एञ्जिला अवाले, मिस बेस्ट ड्रेस मनिषा महर्जन हुन सफल भएका छन् ।
प्रतियोगितमा परिचयात्मक चरणमा निर्णायकहरुको प्रश्नको उत्तरबाट सात प्रतिस्पर्धी छानिएका थिए । अन्तिम चरणमा सात प्रतियोग्ीलाई शारिरीक चोट र हृदयमा लाग्ने चोटका बारेमा लिखित प्रश्न सोधिएको थियो । पाँच मिनेटमा लेखिएका उत्तरहरु मध्येबाट कृषा महर्जन मिस नेवाः ११४१ बन्न सफल बनेकी थिइन् ।
कार्यक्रम प्रमुख अतिथि सूचना तथा संस्कृति मन्त्री पार्वत गुरुङ्गले पानसमा बत्ति बाली उद्घाटन गरेका थिए । नेप्लिज फेसन होमको आयोजनामा भएको यस प्रतियोगीता पन्ध्रौं हो । सन् २०११ का मिस नेवाः सुनिता डंगोल र रोजेन शाक्यले संचालन गरेको उक्त कार्यक्रम नेपाल टेलीभिजन र नेवाः प्राइड फेसबुक पेजबाट प्रत्यक्ष प्रसारण गरेको थियो ।
