कुमारी पुजामा पुर्वराजालाई जान रोक

by raju Tue Sep 21, 2010 2:21 pm NST

इन्द्र जात्रा चलिरहेको बेला पुर्वराजा ज्ञानेन्द्र शाह आज बसन्तपुर जाने कार्यक्रम तय भएकोमा सुरक्षाका कारण अन्तिम समयमा आएर रद्ध गरिएको छ । पुर्वराजा शाहले आज जीवित देवी कुमारीका रुपमा पुजिएका आठ जना पुर्वकुमारी तथा केहि कुमारीलाई सम्मान गर्ने कार्यक्रम रोहेको थियो । सम्मान कार्यक्रममा पुर्वराजालाई सरकारले नागार्जुनबाट ननिस्कन आग्रह गरेपछि नागार्जु दरवारका अधीकारिले आयोजकलाई शाह कार्यक्रममा सहभागी नहुने बताएका थिए । हिजो इन्द्र ध्वजोत्थान गरेपछि जात्रा सुरु भएको हो । नेपाल संवत अनुसार यंलाथ्व द्वादशीका दिन साइत हेराएर हनुमानढोका कालभैरव अगाडि ठड्याइएको िलंगोमा पनि आज पुर्वराजा शाहले पुजा गर्ने कार्यक्रम थियो । सुरक्षा संयन्त्रले वसन्तपुर क्षेत्रमा राजतन्त्रकॊ पक्ष र विरोधीहरुको जमघट बढेको जानकारि गृहमन्त्रालयलाई दिएको थियो । लगत्तै गृहमन्त्रालयले वसन्तपुर नजान शाहलाई आग्रह गरेको बताइएको छ । पुर्वनिर्धारीत् कार्यक्रम रद्ध भएपछि आयोजकहरुले पुर्वराजा शाहको फोटो अगाडी सम्मान कार्यक्रम गरेका छन् । पुर्वराजा शाह बसन्तपुर जाने तय भएपछि आज विहानैदेखी राजतन्त्रका समर्थकहरु वसन्तपुरमा भेला भएर राजतन्त्रको पक्षमा पर्चावाजी समेत गरेका थिए । उपत्यकाको सवैभन्दा महत्वपुर्ण मानिने इन्द्र जात्रामा यसअघी राष्ट्रप्रमुखको हैसीयतमा राजाले जीवित देवी कुमारी भैरव र गणेशको विशेष पुजा गरेपछि जात्रा समापन हुने गरेकोमा दुई वर्षदेखी राष्ट्रप्रमुखका रुपमा राष्ट्रपति डाक्टर रामवरण यादवले विधिवत रुपमा कुमारीको दर्शन र पूजा गर्ने कार्यक्रम छ ।