कांग्रेसको १२औं महाधिवेशनको लागि मनोनयन दर्ता सम्पन्न

by raju Sat Sep 18, 2010 2:22 pm NST

कांग्रेसको १२औं महाधिवेशनको लागि पदाधिकारी तथा केन्द्रिय सदस्यमा उम्मेदवारी दिने समय सकिएको छ । पार्टी कार्यालय सानेपामा विहान ८बजे बाट सुरु गरिएको उम्मेदवारी दर्ता अहिले १२ बजेबाट सकिएको छ । यसवारेमा पुर्ण विवरण नआएपनि यतिवेला सम्म तीन सय भन्दा बढी नेता तथा कार्यकर्ताले उम्मेदवारी दर्ता गराइसकेका छन् । कार्यवाहक सभापति सुशील कोईरालाबरिष्ठ नेता शेरवहादुर देउवा तथा भीमवहादुर तामाङले सभापति पदका लागि छुट्टा छुट्टै उम्मेदवारी दर्ता गराएका छन् । कोईरालाको प्रस्तावकमा रामचन्द्र पौडेल सहित सात जना तथा समर्थकमा भने साजय गौतम सहित सात जना रहेका छन । यस्तैदेउवाको प्रस्तावकमा खुमवहादुर खडकाविमलेन्द्र नीधि तथा गोपालमान श्रेष्ठ हुनुहुन्छ भने समर्थकमा देवेन्द्रराज कँडेलआङगेलु शेर्पासहित सात जना बस्नुभएको छ । यस्तैे तामाङको प्रस्तावकमा चक्र वास्तोला सहित सात जना तथा समर्थकमा सुप्रभा घिमिरे सहित सात जना रहनु भएको छ । महामन्त्रीमा नरहरि आचार्यविमलेन्द्र नीधि तथा प्रकाशमान सिहले पनि उम्मेदवारी दर्ता गराइसक्नुभएको छ । आचार्यको प्रस्तावकमा सुप्रभा सहित पाच जना तथा समर्थकमा पासाङ दोर्जे शेर्पा सहित पाच जना रहनुभएको छ । कोषाध्यक्षमा चित्रलेखा यादव तथा पदमनारायण चौधरीले उम्मेदवारी दिनुभएको छ । केन्द्रिय सदस्यको लागि उम्मेदवारी दर्ता गराउनेको तछाडमछाड चलेको छ । अहिले सम्म केन्द्रिय सदस्यको खुल्ला २५जनाको सिटमा ८४जना भन्दा बढीले उम्मेदवारी दर्ता गराईसकेका छन । उम्मेदवारको अन्तिम नामावली भने २ बजे टाँस हुने भएको छ । केन्द्रिय सदस्यमा सुजाता कोईरालारामचन्द्र पौडेल खुमवहादुर खडकाडिवि लामा लगायतले उम्मेदवारी दर्ता गराएका छन । २ बजेबाट भृकुटीमण्डपमा बन्द सत्र चल्नेछ ।