सभामुख नेम्वाङले तटस्थ बस्नदिएर कानुनविपरित कार्य गरेको आरोप

by raju Fri Sep 17, 2010 4:15 pm NST

संविधानविद् भीमार्जुन आचार्यले संसद्को नियमावलीमा तटस्थ बस्ने ब्यवस्था नभए पनि सभामुख सुवासचन्द्र नेम्वाङले कानुनविपरित तटस्थ बस्न दिएको आरोप लगाउनुभएको छ । त्रिभुवन विश्वविद्यालयको द्वन्द्व शान्ति र विकास विभागले आज काठमाडौंमा गरेको कार्यक्रममा संविधानविद् आचार्यले सभामुख नेम्वाङले संसद्को नियमावलीविपरति तटस्थ बस्न दिएर सहयोग गरेको आरोप लगाउनुभएको हो । सरकार गठनमा दलहरु आफैं असक्षम भएपछि विदेशीलाई आरोप लगाउन थालेको उहाँको भनाइ थियो । त्यसैगरी अनौपचारिक क्षेत्र सेवा केन्द्र इन्सेकका अध्यक्ष सुवोधराज प्याकुरेलले दलहरुले सहमति जुटाउने भन्दा द्वन्द्वको व्यापार गर्न थालेको आरोप लगाउनुभयो । कार्यक्रममा त्रिभुवन विश्वविद्यालयका शिक्षाध्यक्ष प्राध्यापक सूर्यलाल आमात्यले मुलुकको अस्थिर राजनितिले शैक्षिक क्षेत्रमा समेत नकारात्मक असर परेको बताउनुभयो ।