मिस लिटिल नेवाः २०१० को ट्यालेन्ट सो सम्पन्न

by raju Fri Aug 13, 2010 6:40 pm NST

यस वर्षको मिस लिटिल नेवाः प्रतियोगिताका लागि आज ट्यालेन्ट सो सम्पन्न भएको छ । नेप्लिज फेशन होमले गरेको मिस ट्यालेन्ट उपाधिका लागि नेवार समुदायका नौदेखि १३ वर्षसम्मका ४३ बालिकाबीच प्रतिस्पर्धा भएको थियो । प्रतिस्पर्धाको नतिजा आउँदो भदौ ५ गते नेपाल प्रज्ञा प्रतिष्ठानमा हुने अन्तिम कार्यक्रममा घोषणा गरिने आयोजकले बताएका छन् । प्रतियोगिताको निर्णायकमा राजभाइ सुवाल डाक्टर शिक्क्षिता श्रेष्ठ निर्णय श्रेष्ठ हिसिला महर्जन अलिसा श्रेष्ठ र सुरज भडेल रहनुभएको थियो । प्रतियोगितामा बालिकाहरुले नृत्य वाद्यवादन चित्रकलाआदिमा आपुनो प्रतिभा प्रदर्शन गरेका थिए । नेवार बालिकाको प्रतिभा प्रस्फुटन गर्ने उद्देश्यले भएको प्रतियोगितामा नेवारी भाषा कला सँस्कृति संस्कारबारे नेपालभाषाका प्रशिक्षक राजु नापितले प्रशिक्षण दिइरहनुभएको छ । त्यस्तै कोरियोग्राफर रोहिया महर्जन र विवेक श्रेष्ठले कोरियाग्राफी गरिरहनुभएको छ । नेप्लिज फेशन होमले नेवार समुदायका किशोरीको प्रतिभा प्रष्फुटनका लागि हरेक वर्ष मिस लिटिल नेवाः आयोजना गर्दै आएको छ । नेपालमण्डल डट कम मिस लिटिल नेवाः कार्यक्रमको अफिसियल वेबसाइट हो ।