उम्मेदवारको बन्द सूची पेश गर्ने म्याद एक दिन थप

by raju Thu Feb 21, 2008 3:06 pm NST

निर्वाचन आयोगले समानुपातिक चुनाव प्रणालीतर्फ उम्मेदवारको बन्द सूची पेश गर्ने म्याद १२ गते एक दिनका लागि थप गरेको छ । आयोगको आज बसेको बैठकले एक दिनका लागि समय थप गर्ने निर्णय गरेको हो । यसअघि आयोगले उम्मेदवारको बन्द सूची पेश गर्न राजनीतिक दललाई हिजोको समय दिएको थियो ।

आज बिहान बसेको मन्त्रिपरिषद् बैठकले गरेको अनुरोध अनुसार आयोगले समय थप गरेको हो । प्रधानमन्त्री निवास बालुवाटारमा आज विहान बसेको बैठकमा चैत २८ मा हुने चुनावलाई प्रतिकुल असर नपर्ने गरी बन्द सूचीको पेश गर्ने म्याद थप्ने विषयमा छलफल भएको थियो । तराईका आन्दोलनरत पक्षलाई चुनावमा सामेल गर्न बन्द सूचीको म्याद थप गर्न अनुरोध गरिएको स्वास्थ्य तथा जनसंख्या मन्त्री गिरिराजमणि पोखरेलले जानकारी दिनुभयो ।