काठमाडौको बसुन्धरामा कार वम विष्फोट

by raju Tue Jun 8, 2010 2:39 pm NST

काठमाडौको बसुन्धरामा कारमा राखिएको शक्तिशाली बम विस्फोटमा परी चार जना घाइते भएका छन् । आज विहान सवा सात बजे बसुन्धरास्थित इशान बाल अस्पताल नजिकै सडक छेउँमा रोकीराखेको बा।७ च। ५५३९ नम्बरको निजी कारभित्र राखिएको सकेट बम विस्फोट भएको थियो । विस्फोटमा परी चार जना घाइते भएका छन् । घाइते हुनेमा पोटन ठाकुर भरत केसी नयन प्रसाद सुवेदी र सोमनाथ महतो छन् । विस्फोटबाट कार पूर्णरुपमा ध्वस्त भएको छ । विस्फोटपछि लागेको आगो सुरक्षाकर्मी र दमकलको सहायताले निभाईएको थियो । घटनास्थलमा नपड्किएको अवस्थामा भेटिएको सकेट बम नेपाली सेनाको बम डिस्पोजल टोलीले निष्क्रिय पारेकेा थियो । प्रहरीले कारभित्र बीस-बीस लिटरका दुई ओटा जर्किनमा पेट्रोल रहेको प्रहरीको अनुमान छ । बम विस्फोटबाट बसुन्धरा क्षेत्र केहीबेर आतंकित बनेको थियो । बम विस्फोटले आसपासका केही घरका झ्यालका सिसा समेत फुटेका छन् । कार रानीबारीका रामबहादुर अधिकारीको भएको प्रहरीले जनाएको छ । अखिल नेपाल ट्रेड युनियन महासंघ ट्याक्सी स्वरोजगार समितिका कोषाध्यक्ष समेत रहेका अधिकारीले केही दिन अघिमात्र कार खरिद गरेका थिए । घटनाबारे अनुसन्धानका लागि प्रहरीले चालक दीपक विश्वकर्मा सहित नविन विष्ट र राजु खत्रीलाई पक्राउ गरेको छ । विष्फोटको जिम्मा पालैपालो नेपाल स्वतन्त्र दल र राजन मुक्ति मोर्चाले लिएको छ । संविधानसभाको म्याद थपिएकोमा बम विष्फोट गरिएको नेपाल स्वतन्त्र दलले दाबी गरेको छ ।