सरकारको विरोध

by raju Thu Feb 21, 2008 2:56 pm NST

पेट्रोलियम पदार्थको हाहाकार मच्चिएपछि सर्वसाधारणहरु सरकार विरुद्ध उत्रिएका छन् । पेट्रोलियम पदार्थको बहानामा अब्यवस्था सृजना गरी तानाशाह जन्माउने खेलमा सरकार लागेको उनीहरुले आरोप लगाएका छन् ।

विद्यार्थी तथा शिक्षकहरुको संगठन राष्ट्रिय शान्ति तथा सुब्यबस्था सरोकार समितिले आज काठमाडौंमा विरोध र् याली निकालेर देशलाई निकास दिन सरकार अक्षम भएको आरोप लगाए । उनीहरुले आपूर्ति मन्त्री श्यामसुन्दर गुप्ताको राजनीमा समेत माग गरेका छन् । आपूर्ति सहज गर्न आयल निगम खारेज गर्नूपर्ने उनीहरुको माग छ । देशभर हाहाकार मच्चिदा पनि नागरिक समाज र उपभोक्ता माच मौन रहनु रहस्यमय भएको उनीहरुको भनाइ छ । अभावको नाममा देशमा कालाबजारी भैरहेको उनीहरुले आरोप लगाएका छन् ।

पेट्रोलियम पदार्थको अभाव भएपछि निकै कम मात्र यातायातका साधन चलेका छन् जसले गर्दा असुरक्षिँत यात्रुहरुको संख्या बढेको छ । उनीहरु गाडीको छतमा चढेर र झुण्डिएर यात्रा गरिरहेका छन् । ट्राफिक ब्यवस्थापन गर्न बसेका ट्राफिकहरुले समेत जोखिमपूर्ण यात्रालाई कम गर्न सकेका छैनन् । हिजो भन्दा आज सडकमा केही बढी यातायातका साधन देखिएपनि पर्याप्त हुन सकेको छैन । सार्वजनिक यातायातका साधनहरु निकै कम मात्र गुडेका छन् जसले गर्दा यात्रुहरु मर्कामा परेका छन् । यसअघि हिजो भारतको रक्सौल नाकाबाट पेट्रोलियम पदार्थका एक सय ३६ वटा ट्यांकर र दैनिक उपभोग्य सामग्रीका करिव १८ वटा ट्रक नेपाल भित्रिएको बारा प्रहरीले जनाएको छ ।