मिनीबस दुर्घटनामा दुईजनाको मृत्यु

by raju Thu Feb 21, 2008 2:53 pm NST

बाँके जिल्लाको शमशेरगन्जमा पर्ने पुर्ब पश्चिम राजमार्गको मुगुबा खोला नजिकै मोटर साईकल र मिनीबस ठोक्किदा गएराती दुईजनाको मृत्यु भएको छ । बस र मोटरसाइकल ठोक्किदा मोटर साईकलमा रहेका २ जनाको घटना स्थलमै मृत्यु भएको प्रहरीले जनाएको छ ।

कोहलपुरबाट दाङको लमही जादै गरेको भे १ प ६९५५ मोटर साइसकल र दाङको लमहीबाट कोहलपुर आउदै गरेको ना १ ख ८१११ नम्बरको मिनि बस बुधबार राती साढे ११ बजे एक आपसमा ठोक्किएको थियो । मृत्यु भएकाहरुको शनाखत भने हुन सकेको छैन । इलाका प्रहरी कार्यालय कोहलपुरले मृतकहरुको शबलाई पोष्टमार्टमका लागि भेरी अन्चल अस्पतालमा राखिएको हाम्रा स्थानीय सहकर्मीले जनाएका छन् । यसैगरी नवलपरासीको स्वाँठीमा हिजो साँझ प्रहरीको गाडी दुर्घटना हुँदा १७ जना प्रहरी घाइते भएका छन् । घाइते मध्ये एकको अवस्था गम्भीर रहेको छ । ना। १ ख ५०२ नम्बरको गाडी दुर्घटना परी घाइते हुनेमध्ये एकको बुटवल अाचल अस्पतालमा उपचार भइरहेको छ । बाँकी घाइतेको पृथ्वीचन्द्र अस्पताल परासीमा उपचार भइरहेको हाम्रा सहकर्मीले जनाएका छन् ।