पाल्पा महोत्सवमा करुवाको चर्चा

by raju Wed Feb 20, 2008 3:03 pm NST

पाल्पा तानसेनको टुडिखेलमा भैरहेको औद्योगिक ब्यापार मेला तथा पर्यटन महोत्सवमा बिश्वकै सबैभन्दा ठूलो भनिएकॊ पाल्पाली करुवा सबैको आकर्षणको केन्द्र बनेको छ । करुवा र ढाकाबाट पाल्पा जिल्ला परिचित हुँदै आएको छ ।

पाल्पामा बिश्वकै सबै भन्दा ठूलो करुवा प्रदर्शनीमा राखिएको छ भन्ने चर्चा चलेपछि करुवा हेर्नकै लागि छिमेकी जिल्लाहरुबाट समेत दर्शकको ओइरो लागेको छ । यस्तै भारतबाट समेत प्रदर्शनी हेर्न आएका आयोजकले जानकारी दिएका छन् । संचारकर्मीदेखि सर्वसाधारणसम्मको करुवा हेर्न मेलास्थलमा दिनहुँ भीडभाड बढेको मेला आयोजक समितिले जनाएको छ ।

लामो समय लगाएर तानसेनका युवा ब्यबसायी शेखरकुमार बर्जाचार्यले बिश्वकै सबै भन्दा ठुलो करुवा बनाउनु भएको हो । आजसम्म कसैले नबनाएको नमुना करुवा बनाएर पाल्पालाई पर्यटनको क्षेत्रमा योगदान गर्ने उद्देश्यले करुवा बनाएको ब्रजाचार्यले बताउनुभयो । बज्राचार्यको घरबाट करीब १ किलो मिटर दुरीमा रहेको मेलास्थलमा ४ सय किलोको करुवा ल्याउन ४ घण्टा लागेको थियो । करुवा जस्तै पाल्पाका कुटुरी तथा घरेलु उद्योगबाट उत्पादित सरसमानको प्रर्दशनी मेलामा गरिएको छ । यस्तै २०१५ सालमा पाल्पाली ढाका उद्योगमा बुनिएको काठको तान काठैकाठको रानी महल पाल्पा दरबारको नमुना स्वरुप जस्ता पाल्पाली पहिचान बोकेका एतिहासिक बस्तुको प्रर्दशनी मेलामा गरिएको छ । जसम्म झण्डै एक लाख दर्शकले मेला अबलोकन गरेको र करिव एक करोडको कारोबार भएको पाल्पा उद्योग बाणिज्य संघका अध्यक्षँ भुषणराज लवटले बताउनुभयो । मेला फागुन १० गतेसम्म चल्ने छ ।