सरकाले बैशाख ११ गते भब्य रुपमा लोतन्त्र दिवस मनाइंदै

by raju Fri Apr 2, 2010 3:49 pm NST

सरकारले ऐतिहासीक जनआन्दोलन २०६२-०६३ सफल भएको दिन बैशाख ११ गते भव्य र व्यवस्थीत रुपमा लोकतन्त्र दिवस मनाउने निर्णय गरेको छ । आज िसंहदरवारमा प्रधानमन्त्रीको अध्यक्षतामा बसेको मुलसमारोह समितिको बैठकले दिवसका लागि उपत्यका भित्रका महानगरपालीका तथा नगरपालीकालाई राष्ट्रिय झण्डा र व्यानर सजाएर सरसफाइ तिब्र पार्न निर्देशन दिने निर्णय गरेको छ ।

त्यस्तै बैशाख ११ गते सुन्धारमा रहेको धरहराबाट सूर्योदयसंगै सेनाले विगुल बजाएर टुंडीखेलमा तोप बढाई गरिने छ । ज्ञात अज्ञात सहिदको आत्माको शान्तिको कामना गर्दै विभिन्नस्थानमा पुजापाठ गर्ने र सोही दिन राष्ट्रपति डा।रामवरण यादवको प्रमुख आतिथ्यमा सैनीक माचमा लोकतन्त्र दिवस मनाईने छ । दिवसका दिन मुलुकभरका सरकारी कार्यालय तथा विदेशस्थित कुटनीति नियोगहमा दिपावली गर्ने पनि मूल समारोह समितिले निर्णय गरेको छ । यसका लागि प्रधानमन्त्री माधवकुमार नेपालको अध्यक्षतामा मूल समारोह समिति गठन गरिएको छ । बैठकका सहभागीले लोकतन्त्रका महान योद्धा गिरिजाप्रसाद कोइरालाको नाममा पार्क तथा स्मारक बनाउन सरकारलाई सुझाब दिएका थिए ।