राजपाले चुनाव बहिस्कार गर्ने

by raju Tue Feb 19, 2008 3:24 pm NST

राष्ट्रिय जनशक्ति पार्टीले संविधानसभाको चुनाव बहिस्कार गर्ने भएको छ । राजपा अध्यक्ष सूर्यबहादुर थापाले आज विज्ञप्ति निकाली सरकारले जवरजस्ती चुनाव लाद्न खोजेको आरोप लगाउनुभएको छ ।

उहाँले मधेशी जनजाती र आदिवासीलाई समेटेर चुनावमा जानु पर्नेमा सरकार त्यतातिर नगएको आरोप लगाउनुभएको छ । विज्ञप्तिमा थापाले आधाभन्दा बढि जनसंख्या सहभागी नभइ चुनाव गराउन खोजे त्यसले मुलुकमा विखण्डनको बिउ रोपिने र देशमा गृहयुद्ध निम्तिने चेतावनी दिनुभएको छ ।

यसैवीच राष्ट्रिय प्रजातन्त्र पार्टीले भने संविधानसभाको चुनावका लागि तयारी गरेको बताएको छ । चुनाव प्रचार-प्रसारलाई तीव्र बनाउने निर्णय गरेको पनि राप्रपाले आज जारी गरेको विज्ञप्तिमा जनाएको छ ।