सडकमा जनता

by raju Tue Feb 19, 2008 3:15 pm NST

पेट्रोलियम पदार्थलगायत अत्यावश्यक उपभोग्य वस्तुको अभाव भएपछि जनता सडकमा ओर्लिएका छन् । उपभोग्य वस्तुको अभावका कारण जनजीवन कष्टकर बन्दा पनि सरकार गम्भीर नबनेको भन्दै आज विहानैबाट कलंकीबासीले सडकमा आक्रोश पोखेका छन् । उनीहरुले त्यस क्षेत्रमा यातायात अवरुद्ध बनाएका छन् ।

जबरजस्ती गाडी चलाउन खोजेको भन्दै उनीहरुले बा‌ ५ च ८७२३ नम्बरको निजी गाडी र बा १ ज ९६७१ नम्बरको माइक्रो बसमा तोडफोड गरेका छन् । स्थिति सहज बनाउन ठूलो संख्यामा सुरक्षाकर्मी परिचालन गरिएको छ । आक्रोशित प्रहरीले दूधका ट्यांकर तथा ढुवानीका अन्य साधनलाई स्कटिङ गरेर काठमाडौं भित्र्याउने प्रयास गरिरहेको छ ।