मधेशको माग र चेतावनीको लहर कति हो कति

by dipu Fri Jan 23, 2009 7:37 pm NST

दिन दिनै हत्या र हिशाहरु सामान्य जस्तै वन्दै गएको मधेशको राजनीतिक मुद्धा पनि सहज रुपले अघि वढ्ने सकेत भने देखीएको छैन । हाल सत्तामा रहेका हुन् वा सत्ता वाहिर रहेका दलहरु नै किन नहुन् स्वायत्त मधेश प्रदेश या कुने पनि राजनीतिक विषयमा सरकारमाथि दवाव र आन्देालनको चेतावनी दिईरहेका छन् ।

यसै मेसोमा सत्तामै सहभागी दल सद्भावना पार्टीले विगतमा मधेशी मोर्चासग भएको आठ वुदे सम्झौता लागु नभए आन्दोलनमा उत्रने चेतावनी दिएको छ । माग परा नभए फागुण १६ गतेदेखी शान्तिपुर्ण आन्दोलन गर्ने सो पार्टीले चेतावनी दिएको हो ।

आज सरकारका वाणिज्य तथा आपुर्ति मन्त्री एव पार्टी अध्यक्ष राजेन्द्र महतोको नेतृत्वमा गएको प्रतिनिधि मण्डलले प्रधानमन्त्रीलाई ज्ञापन पत्र वुझाउदै यी शर्तहरु अघि सारेको छ । साथै आज वुझाईएको सो ज्ञापन पत्रमा पेट्रोलियम पदार्थको मुल्य घटाउनु पर्ने राजनीतिक नियुक्तिहरुमा आफ्नो पार्टीलाई सहभागि गराउनु पर्ने सद्भावनाले माग गरेको छ । ज्ञापन पत्र वुझ्दै प्रधानमन्त्री पुष्प कमल दाहाल प्रचण्डले विगतको सरकारले मधेशवादी दलहरुसँग गरेको सम्झौतामा तत्काल पूरा गर्न सकिने विषय पूरा गर्दै जाने बताउनु भएको छ । यस्तै तत्कालै पूरा गर्न नसकिने मागलाई संविधानसभाबाट पूरा गरिने उहाँले जानकारी दिनुभएको छ ।

उता अर्को मधेशवादी दल तराई मधेश लोकतान्त्रिक पार्टीले राज्य पुनसरचना गर्नु पुर्व मधेशमा फेरी जनगणना गर्नु पर्ने नया शर्त अघि सारेको छ । आज सम्पन्न सो पार्टीको राष्ट्रिय कार्यकर्ता सम्मेलनले सरकारमा रहेका मधेशी जनअधिकार फोरम र सदभावना पार्टीको अवसरवादका कारण विगतको मधेश आन्दोलनको सहमति कार्यान्वयन हुन नसकेको पनि ठहर गरेको छ ।

मधेशका मुद्धालाई सम्बोधन गर्न वर्तमान सरकारले नसकेको तमलोपाले आरोप लगाएको छ । स्मरणीय छ कि राष्ट्रपति निर्वाचन ताकादेखी माओवादी नेतृत्वको सरकारलाई दिदै आएको समर्थन फिर्ता लिएर तमलोपा मधेशी मुद्धाहरु अघि सार्दै विरोध र दवावमा उत्रदै आएको छ ।

त्यस्तै मधेशी जनअधिकार फोरमका नेताहरुले पनि पटक पटक विगतमा भएको सहमति कार्यन्वयन नभए सरकार छाड्ने चेतावनी दिदै आएको छ । गत फागुण ८ गते मधेशी मोर्चासग तात्कालिन काग्रेस नेतृत्वको सरकारले स्वायत्त मधेश प्रदेशको चाहना पुरा गर्ने सेनामा समुहगत प्रवेश जस्ता विषयमा ८ वुदे सम्झौता गरेको थियो ।

नेपालको राष्ट्रियतासग समेत जोडिएको महत्वपुर्ण प्रश्न वनेको मधेशका प्रमुख क्षेत्रीय पार्टीहरुको यी चेतावनहिरु जे जस्ता भएपनि यो समस्या निकै सवेदनशील वन्दै गएको विष्लेषकहरुले वताएका छन् ।