आज मार्च ८ तारीख अर्थात अन्तराष्ट्रिय श्रमीक महिला दिवस

by rn Mon Mar 8, 2010 1:12 pm NST

आज मार्च ८ तारीख, अर्थात अन्तराष्ट्रिय श्रमीक महिला दिवस, विश्वका श्रमीक महिलाहरुको हकहितको पक्षमा भएगरेका कामहरुको समिक्षा गर्दै विश्वभर मनाईंदै आएको अन्तराष्ट्रिय श्रमिक महिला दिवस मनाउने क्रममा आज एक सय बर्ष पुरा भएको छ । यसै अवसरमा नेपाल सहित विश्वभर विभिन्न कार्यक्रम गरि यो दिवस मनाईदैछ । सन् १९१० मा विभिन्न १७ देशका १०० जना समाजवादी महिलाहरुको दोस्रो अन्तराष्ट्रिय सम्मेलनले हरेक वर्ष विश्वभरका महिलाले आठ मार्चलाई महिला अधिकार आन्दोलन दिवसका रुपमा मनाउन थालेका हुन् । सन् १८५७ मा अमेरिकाको गार्मन्टमा काम गर्ने श्रमिक महिलाहरुले कामको आधारमा निश्चित ज्यालाको मागसहित गरेको प्रदर्शनलाई विश्वका महिलाहरुको आन्दोलनको सुरुवातको रुपमा लिने गरिएको छ । नेपालमा बि।स। १९७५ देखि महिला हकहित र अधिकारका कार्यक्रम गरी यो दिवस मनाउन थालिएको हो । नेपालमा यो वर्ष ुसबैको विकासका लागि समान अवसर र समान अधिकारु भन्ने मूलनाराका साथ विभिन्न चेतनामूलक कार्यक्रम गरी यो दिवस मनाईदैछ । नेपालमा संविधानसभामा ३३ प्रतिशत अर्थात १९७ जना महिला सभासद्को सहभागिता छ । सरकारले महिलाको हक अधिकार सुनिश्चित गर्न विभिन्न कानुन निर्माण गरेर लागू समेत गरेको छ । यो वर्ष मात्रै घरेलू िहंसा विरुद्धको ऐन ल्याईएको छ । यसैबीच प्रधानमन्त्री माधवकुमार नेपालले एक सयौं अन्तराष्ट्रिय श्रमीक महिला दिवसका उपलक्ष्यमा शुभकामना दिनुभएको छ । प्रधानमन्त्री नेपाललॆ महिला िहंसाविरुद्ध अभियान चलाउन सरकारले सन् २०१० लाई महिला िहंसाविरुद्धको वर्षको रुपमा मनाउने निर्णय गरी कार्ययोजना कार्यान्वयन सुरु गरिसकेको भन्दै यस अभियानमा सहयोग गर्न सबैलाई आग्रह गर्नुभएको छ ।