थारु आक्रोस

by raju Tue Feb 19, 2008 3:13 pm NST

मधेशीहरुले एक मधेश एक प्रदेशको माग राखी आन्दोलन गरिरहेको बेला तराइका आदिवासी थारुहरुले एक मधेश एक प्रदेशको भन्ने मागप्रति आक्रोश पाखेका छन । थारुहरुले स्वायत्त थारुहट प्रदेशको माग अघि सारेका छन् ।

काठमाडौंमा आज थारु कल्याणकारिणी सभाले गरेको अन्तरकृयामा उनीहरुले थारुहरुको मागलाई वेवास्ता गरे संघर्षमा उत्रने चेतावनी दिएका छन् । आफूहरु पूर्व मेचीदेखि पश्चिम महाकालीसम्मका तराई क्षेत्रमा वसोबास गर्दै आएको दावी उनीहरुले गरेका छन् । कार्यक्रममा पूर्वमन्त्री महेश चौधरीले एक मधेश एक प्रदेश हुनै नसक्ने बताउनुभयो । चौधरीले नेपालमा कहीँ मधेश नभएको पनि दाबी गर्नुभयो । उहाँले तराइमा आन्दोलन गरिरहेकाहरुलाई भारतीय उग्रवादीहरु र दरवारीयाहरुले सहयोग गरिहरहेको पनि आरोप लगाउनु भयो । नेपाल आदिवासी जनजाती महासंघका अध्यक्ष पासाङ शेर्पाले थारुहरुले उठाएको थरुहट स्वायत्त प्रदेशको माग जायज भएको बताउनुभयो । तराइमा थारुको जनसंख्या १५ लाख छ ।