नेपाल विकासका लागि न्यूयोर्कमा कार्यक्रम

by rajendra Tue Jan 20, 2009 9:40 am NST

नेपाल र नेपालीका दीगो विकासका लागि न्यूयोर्कमा 'नेपाल र नेपालीको दिगो बिकासको लागि सहकारी अभियान-२००९' अन्तरकृया कार्यक्रम आयोजना गरिएको छ । 'नेपाल अमेरिका वेल्फेअर असोसियसन' र 'हिमालय स्वास्थ्य तथा शिक्षा समाज', नेपालको सङ्युक्त आयोजनमा र डा. कृष्ण राइको सभापतित्व तथा नेपाल अमेरिका वेल्फेअर असोसियसनका जनरल सेक्रेटेरी शेशराज खतिवडाद्वारा सन्चालित उक्त कार्यक्रममा वैज्ञानीक तरिकाले नेपालीहरुको सामाजिक र अर्थिक बिकास कसरी गर्न सकिन्छ भन्ने बिषयमा कार्यक्रमका सम्योजक तथा हिमालय स्वास्थ्य तथा शिक्षा समाज, नेपालका अध्यक्ष तथा नेपाल अमेरिका वेल्फेअर असोसीयसनका उपाध्यक्ष पासँग दोर्ची शेर्पाले कार्यपत्र पेश गर्नुभएको थियो ।

अमेरिकामा विविध भाषा, संस्कृति र ब्यवसाय भएका मानिसहरुको अवसरलाई ब्यवहाँरिक रूपमा उतार्नका लागि "नेपाल अमेरिका वेल्फेअर असोसीयसन"ले छिटैनै प्रभावकारी कदम चाल्ने कुरा कार्यक्रम प्रश्तोता पासँग दोर्ची शेर्पाले प्रस्ट पार्नुभयो र अधिकाम्श शहभागीहरुले समर्थन जनाए ।

कार्यक्रममा अमेरिकामा बस्ने नेपालीहरुलाई रोजगारीको अवसर क्याटरिङ्ग ब्यवसायले दिन सक्छ भन्ने कुरामा सुभाश लामा र गजमेरले प्रकाश पार्नुभयो । यो ब्यवसाय निम्न आय भएका मानिसहरुले पनि सन्चालन गर्न सक्ने र अमेरिकामा आयोजना हुने सम्स्कृतिक तथा अरु कार्यक्रममा सेवा प्रदान गरेर निकै नै आय आर्जन गर्न सक्ने कुरामा उहाहरुले बिचारधारा प्रस्तुत गर्नुभयो ।

त्यसैगरी, अमेरिकामा माईक्रो फिन्यान्स कम्पनी स्थापना गरेर नेपालको दुर्गाम ठाउँमा पुग्ने गरी शाखाहरु खोलेर मनी रेमिटेन्सलाई सजिलो बनाउन सकिने कुरामा प्रदिप थापा, आदित्य महर्जन, शेशराज खतिवडा र गज्मेरले जोड दिनुभयो । उहाँहरुले ईन्टरनेटको माध्यमबाट रेमिटेन्स सेवा प्रदान गरेर नेपालीहरुलाई पैसा आदान प्रदान गर्न सजिलो हुनुका साथै नेपालको आर्थिक बिकासमा सहयोग पुर्याउने कुरा प्रस्ट पार्नुभयो । यस्तो ब्यवसाय सुरु गर्ने क्रममा कम्पनी दर्ता गर्दा इन्कोर्परेसोन भनेर दर्ता गरेर मात्र ब्यवसाय सन्चालन गर्नुपर्छ भन्ने धारणा राख्नुभयो ।

जनक अधिकारी, गंगा जीसी , बन्शलाल तमाङ लगायतका बक्ताहरुले आर्थिक कारोबारमा नेपालीहरुमा विश्वाशको संकट हुने प्रव्रित्तिको बिषयमा कुरा गर्नुभयो । यसै सन्दर्भमा अमित शाहले अमेरिकामा कानुनी ब्यवस्था बलियो भएकोले आर्थिक कारोबारहरु अमेरिकामा सन्चालन गर्दा राम्रो हुने कुरा ब्यक्त गर्नुभयो । अमेरिकामा लगानी गर्दा अर्थिक कारोबारमा कम्जोरी देखाउनेहरुलाई कानुनी कार्वाहीको कडा ब्यवस्था भएकोले यसप्रती चिन्ता लिनु नपर्ने कुरा बताउनुभयो । अमेरिकामा ब्यवसायलाई प्राथमिकता दिदा नेपाल र नेपालीहरुको कल्याण्कारी काम को सुरुवात हुने र भविश्यमा राजनीतिक रुपबाट आर्थिक सुरक्षाको प्रतिबध्ता भएको अवस्था श्रीजना भएपछी अमेरिकामा बस्ने नेपालीहरुले नेपालमा लगानी गर्ने कुरा बिस्लेशन गर्नुभयो र यो कुरामा मधु श्रेष्ठ र शाहानाले पनि सहमति जनाउनु भयो ।

राज्कुमार नेपाल, दावा जुअङ्मु शेर्पा , रोशन ढुंगाना र दावा शेर्पा ले नेपालमा सैक्षिक छेत्रमा जोड दिनुपर्ने कुरा गरे भने हाइड्रो पावर अनी सुपरमार्केट्मा लगानी गर्दा धेरै राम्रो हुने कुरा सहभागीहरुले ब्यक्त गरे ।

अन्त्यमा राज कुमार श्रेष्ठले एस्तो काम सुरु गर्दा जरा देखिनै ब्यवकारीक रूपमा कृयाकलापहरु अबिलम्बन गर्न आयोजक समितिलाई आग्रह गर्नुभयो र एस्ता विश्वाशनियता आर्जन हुने खालका काममा सबै नेपालीहरुलाई एकजुट हुन आग्रह गर्नुभयो र सबै सहभागीहरुले उहाको कुरामा सहमति जनाउनु भयो ।

सोही कार्यक्रममा सात सदश्यको कार्यदल बनाइयो जुन यस प्रकार छ :

संयोजक - पासांग दोर्ची शेर्पा
सदस्य -
वंशलाल तामांग
मधु श्रेष्ठ
आदित्य महर्जन
जनक अधिकारी
डा कृष्णकुमार राई
शेषराज दतिवडा