लोडसेडिङ कम हुने

by raju Tue Feb 19, 2008 3:09 pm NST

दैनिक आठघण्टा लोडसेडिङको मार खेप्दै आएका उपभोक्ताले अबको एक दुई दिनमै लोडसेडिङको केही मात्रा घटेको महसुस गर्न पाउने छन् । मकवानपुर भैंसेमा रहेको कुलेखानी दोस्रो जलविद्युत् केन्द्रको १६ मेघावाट क्षमताका दुई वटा भएको टर्वाइन मध्ये एउटा टर्वाइनबाट विजुली निकालिने भएपछि उपभोक्ताले राहतको महसुस गर्न पाउने भएका हुन् ।

कुलेखानी प्रथम जलविद्युत् केन्द्र अर्थात इन्द्रसरोवरमा पानीको सतह घट्दै जानुले पनि लोडसेडिङ बढेको थियो । त्यसमाथि कुलेखानी दोस्रोको एउटा टर्वाइन बिगि‍‍र्एका कारण आयोजना नै बन्द थियो । बिग्रिएको टर्वाइन मर्मतका लागि अर्को टर्वाइन पनि बन्द गर्नुपर्ने भएकाले यहाँबाट विद्युत् उत्पादन गर्न सकिएको थिएन । तर दुई दिनभित्रै एउटा टर्वाइनबाट विजुली निकाल्न सकिने प्राविधिकहरुको सुझाव दिएका छन् ।

पहिलो मेसिन गत चैतमा बिग्रीएको थियो । त्यसको मर्मत र निर्माण कार्य तीनमहिना अघिदेखि मात्र सुरु गरिएको हो । यहाँ सामान सबै जापानिज फुजि इलेक्ट्रिक कम्पनीका भएकाले पनि यो टरबाइन बनाउन लामो समय लागेको छ । हाल निर्माणकार्यमा फुजि इलेक्ट्रिक कम्पनीका ३ जना प्राविधिकका निगरानीमा ३५ जना नेपालीले काम गरिरहेका छन् ।