चौंरी गाईको आलो रगत पिउने मेला सुरु

by rn Sat Feb 13, 2010 12:52 pm NST

म्याग्दीको शिख गाविसमा पर्ने लरेनीमा चौंरी गाईको आलो रगत पिउने मेला सुरु भएको छ । नागी पाउद्धार संयुक्त चौरीपालन कृषक समुहले सनिवार बिहानैबाट मेला सुरु भएको जनाएको छ । मेलामा चौरी गाईको आलो रगत पिउन म्याग्दीका विभिन्न गाविसका साथै बागलुङ पर्वत कास्की लगायत जिल्लाबाट सर्वसाधारण आएका छन् । हिमाली क्षेत्रमा पाईने यासा्रगुम्बा जटामसी पाँचऔले निरमसी लगायत जडिवुटी खाएका चौरी र याकको आलो रगत पिएमा ग्यास्ट्रिक यौन र्दुबलता र चिसोका कारण लाग्ने रोग निको हुने बिश्वास छ । चौरी र याकको घाँटीमा बिशेष प्रकारको चक्कुले प्वाल पारि आलो रगत निकाल्ने गरिन्छ । एक गिलास रगत पिएवापत बिरामीले। ६० रुपैयाँ तिर्नुपर्छ । एउटा चौंरीबाट २० देखि २५ गिलाससम्म रगत निकाल्न सकिन्छ । वर्षको २ पटक यो मेला लाग्ने गरेको छ ।