डा. किड्नीको भ्यालेन्टाइन कथा

by subhash Fri Feb 15, 2008 11:31 am NST

मृगौलाको अवैध व्यापार आरोपमा हालै पक्राउमा परेका डा. किड्नी उर्फ अमित कुमारका अवैध भ्यालेन्टाइन सम्वन्धहरु रहेको कुरा नेपाल प्रहरीले सार्वजनिक गरेको छ । डा‌‌. अमितको आफ्ना पत्नी बाहेक अन्य भ्यालेन्टाइनहरुसँग पनि सम्वन्ध रहेको बताइएको छ ।

प्राप्त विवरण अनुसार डा. अमितलाई भ्यालेन्टाइनहरुले मोबाइल एसएमएस पठाउने गरिएको बुझिएको छ । "'जान … आफ्नो ख्याल राख्नू म तिमीसँगै छु, म तिमीलाई माया गर्छु" - "ए" अक्षरबाट नाम सुरु भएको एक महिलाले उनलाई पठाएको एक एसएमएसको व्यहोरा हो यो । उक्त मेसेज उनलाई क्यानाडाको नम्बरबाट पठाएको थियो । अर्को एसएमएसमा पनि उनलाई नडराउन आग्रह गरी भनिएको छ ="रिस्क लिनमा नडराउनू, किनकी तिमी सागरमा डुबेर त्यहाँको मोती ल्याउनु छ" - यो मेसेज पनि उनलाई क्यानाडाबाटै पठाएको हो ।

हुन त उनकी पत्नी पनि क्यानाडामैं छिन् तर यी दुबै एसएमएस उनका पत्नीले पठाएको नभइ अन्य महिलाहरुले पठाएको प्रहरीको दावी छ ।