दमौलीमा दोश्रो तनहुँ महोत्सव सुरु

by raju Sun Jan 11, 2009 12:55 pm NST

संविधानसभाध्यक्ष सुवासचन्द्र नेम्वाङ्गले तनहुँको सदरमुकाम दमौलीमा आयोजित दोश्रो तनहुँ महोत्सवको पौष २५ गते उद्घाटन गर्नुभयो । सो कार्यक्रममा बोल्दै सभाध्यक्ष नेम्वाङ्गले राजनीतिक दलबीचको सानातिना विवादले संविधान लेख्ने काम नरोकिने धारणा राख्नुहुँदै निर्धारित समयमा नयाँ संविधान लेख्न सबै दललाई एकजुट हुन आग्रह पनि गर्नुभयो ।

माघ ५ गते सम्म चल्ले सो महोत्सव अवधिभर दुई लाख पर्यन आउने र दुई करोड रुपैंया बराबरको कारोवार हुने आयोजकले बताएका छन् । महोत्सवमा विभिन्न कृषिजन्य सामग्री हस्तकलाका सामग्री लगाएत त्यहाँ उत्पादित विधिन्न सामग्रीको प्रदर्शनी महोत्सवमा गरिएको छ । जम्मा एक सय ४६ वटा स्टल रहेको सो महोत्सव अवधिभर विभिन्न कार्यक्रमहरु देखाइने आयोजकले बताएका छन् । कार्यक्रमा कौडा नाच दोहोरी प्रतियोगिता लगाएत विभिन्न जनजातिको परम्परागत नाच र बाजा प्रदर्शन गर्नेछ ।

महोत्सवको पहिलो दिन नेवाः खलः तनहूँको निमन्त्रणामा काठमाडौंको झीगु नासः खलःले नेवार समुदायको विभिन्न बाजाहरुको प्रस्तुती स्वरुप बाँसुरीको धुन सहितको अर्केष्ट्रा प्रस्तुत गरिएको थियो । साथै त्यहाँको विभिन्न नेवाः खलःले आ-आपुनो परम्परागत लाखेनाच लठ्ठी नाच लगाएका नाचहरु पनि प्रस्तुत गरेका छन् ।