भारतिय नेताको भेट

by raju Wed Feb 13, 2008 3:50 pm NST

नेपाल भ्रमणमा रहेको भारतीय सत्तारुढ पार्टी कांग्रेस आईको प्रतिनिधिमण्डलले आज बिहानैदेखि विभिन्न दलका नेताहरुसँगको भेटघाट गरिरहेका छन् । अल इन्डिया कंग्रेस कमिटीका महासचिव तथा महाराष्ट्र प्रान्तका पूर्व मुख्यमन्त्री दिग्विजय सिंहको नेतृत्वमा आएको भारतीय टोलीले आज नेपाली कांगेस केन्द्रीय कार्यालय सानेपामा कांग्रेसका कार्यवाहक सभापति सुशील कोइराला र एमाले केन्द्रीय कार्यालय बल्खु पुगेर महासचिव माधवकुमार नेपालसँग भेटघाट गरेको छ ।

नेताहरुसँगको भेटपछि टोलीप्रमुख दिग्वीजय िसंहले भारत नेपालमा तोकिएकै समयम संविधानसभाको चुनाव हुनुपर्ने पक्षमा रहेको बताउनुभयो । सिंहले तराईमा जारी समस्या नेपालको आन्तरिक मामिला भएकोले भारतले हस्तक्षेप नगर्ने बताउनु भयो । भारत नेपालमा स्थायित्व र सम्बृद्धिको पक्षमा रहेको भन्दै आफूहरुले आजै मधेशका नेताहरुसँगको भेटमा संविधानसभा चुनावमा सहभागी हुन सम्झाउने बताउनु भयो । उहाँले सात राजनीतिक दलको सुझबुझ पूर्ण निर्णयबाट शान्तिप्रकि्रया सुरु भएको भन्दै आउने समस्या पनि आपसी सहमतिका आधारमा समाधान हुने आशा ब्यक्त गर्नु भयो । भारतिय नेताहरुसंगको भेटपछि एमाले महासचिव माधवकुमार नेपालले भारतिय नेताहरुले चैत २८ गते हुने संविधानसभा चुनाव कुनै पनि बहानामा नसार्न आग्रह गरेको बताउनु भयो । भारतिय नेताहरुले राजतन्त्रका बिषयमा समेत नेपाली जनताले गरेको निर्णय भारताई स्वीकार्य भएको बताएको महासचिव नेपालले जानकारी दिनुभयो ।

आजै टोलीले माओवादी अध्यक्ष प्रचण्डसँग पनि भेट गरेको छ । भेटमा अध्यक्ष प्रचण्डले संविधानसभा चुनावप्रति आफ्नो पार्टी प्रतिबद्ध भएर लागेको बताउनुभयो । टोलीले आजै मधेसी नेताहरुसँग भेटघाट गर्ने कार्यक्रम छ । प्रधानमन्त्री कोइरालाको निमन्त्रणामा हिजो आएको टोलीले प्रधानमन्त्री कोइरालासँग भने भोलि भेट गर्ने कार्यक्रम तय भएको छ ।