शक्तिका भरमा चुनाव गराइए जनशक्ति पार्टीलाइ मान्य नहुने

by raju Wed Feb 13, 2008 3:22 pm NST

पूर्वप्रधानमन्त्री तथा जनशक्ति पार्टीका अध्यक्ष सूर्य बहादुर थापाले आन्दोलनरत पक्षका माग बेवास्ता गरी शक्तिका भरमा चुनाव गराइए त्यो मान्य नहुने बताउनु भएको छ । सात दल आफ्ना हक अधिकार स्थापित गर्न आन्दोलनरत पक्षसंग वार्ता गर्नुको साटो जनताका आवाज दवाउने मानसिकतामा रहेको भन्दै उहाँले सात दलको आलोचना समेत गर्नुभयो । उहाँले सरकारको ब्यवहारका कारण संविधानसभा चुनाव शंकाको घेरामा रहेको बताउनु भयो । पार्टीको आजबाट काठमाडौंमा सुरु भएको राष्ट्रिय सम्मेलनको उदघाटन गर्दै अध्यक्ष थापाले देश भताभुङ्ग र लथालिङ्गको स्थितिमा पुगेको भन्दै राष्ट्रिय एकता खाँचो भएको औंल्याउनुभयो ।

माओवादीले वाइसिएललाई चुनावी वुथमा तैनाथ गरेर बुथ कब्जा गर्न खोजेको उहाँको आरोप छ । देशको शान्ति सुरक्षु सुदृढ हुन नसकेकोमा उहाँले सरकारको आलोचना गर्नुभयो । पार्टीका सहअध्यक्ष डा प्रकाशचन्द्र लोहनीले जनताले दिएको म्यान्डेटलाई सातदलले तिरस्कार गरेको आरोप लगाउनुभयो । सातदल निरंकुश भएको बताउँदै नेता लोहनीले माओवादीलाई देशका नयाँ राणा भएको टिप्पणी गर्नुभयो । जनशक्ति पार्टीले आजै आफ्नो घोषणापत्र पनि सार्वजनिक गरेको छ । घोषणापत्रमा सातदलले अन्तरीम संविधानको औचित्यलाई समाप्त पारेको बताइएको छ । यसैगरी माओवादी द्धैध भूमिकामा रहेको भन्दै उसका कि्रयाकलाप प्रजातान्त्रिक नभएको किटान गरिएको छ । राजसंस्थाका बारे निर्णय गर्ने सम्पूर्ण अघिकार जनतालाई दिइनुपर्ने पनि घोषणापत्रमा लेखिएको छ । पाँचै विकास क्षँेत्रका दुईसय जिल्ला तथा नगर अध्यक्षहरु सम्मेलनमा सहभागी छन् । सबैले आफनो बिचार दिएपछि भोलि घोषणापत्र पारित गरिने जनाइएको छ ।