ग्रील ब्यावसायको बिरोध

by raju Wed Feb 13, 2008 3:17 pm NST

सरकारले फलामजन्य पदार्थमा अत्यधिक मूल्यवृद्धि गरेको भन्दै ग्रील ब्यवसायीहरु आन्दोलनमा उत्रिएका छन् । आज काठमाडौंको तिनकुनेमा दुइ घण्टा धर्ना दिदै ग्रील ब्यबसायीहरुले पेट्रोलियम पदार्थ तथा बिद्युतको कम आपूर्तिको कारण मारमा परेको ब्यवसाय मूल्यबृद्धिले झनै धरासायी बनेकेा बताए ।

ब्यबसायीहरुले मूल्यबृद्धिले कालो बजारी बढेको भन्दै निष्पक्ष छानबिन गर्न माग समेत गरेका छन् । सरकारले २०५४ सालदेखि ग्रील ब्यबसायको दर्ता रेाक्का गरेकोमा आपति जनाउँदै उनीहरुले करोडौ रुपैयु राजस्व गुमेको जनाकारी दिएका छन् । मूल्यवृद्धिपछि निर्माण कार्यमा प्रयोग हुने फलामे छडको मूल्य प्रतिकिलो ७० रुपैयाँभन्दा बढी भएको छ । ग्रील ब्यावसायले अहिले बार्षिक १५ अर्व भन्दा बढीको फलामजन्य पदार्थको आर्थिक कारोवार गर्दै आएको छ भने १ लाख भन्दा बढीलाई प्रत्यक्ष रोजगार दिएको छ । नेपालमा अहिले ६ सय भन्दा बढी ग्रील उद्योग संचालनमा छन् ।