बन्द भयो एचबीसी ९४ एफएम

by subhash Wed Feb 13, 2008 1:46 pm NST

हिमालयन बोर्डकास्टिङ कर्पोरेशनद्धारा संचालित एचबीसी ९४ एफएम रेडियोको प्रसारण आज बुद्धबारदेखि बन्द भएको छ । आर्थिक कारणले उक्त रेडियो बन्द गर्नु परेको बताइएको छ ।

एफएम‌ घाटामा संचालन भइरहेको कारणले अनुमतिपत्र नविकरण गर्न पत्र आएपनि नविकरण गर्न मनासिब नभएको भनी आजदेखि रेडियोको स्टेशनमा ताला लगाइएको छ भने रेडियोका कर्मचारीहरुलाई तीन महिनाको तलब दिइ स्वतः अवकास दिने जनाएको छ । पछि पुनः रेडियो संचालन भएमा हाल कार्यरत कर्मचारीहरुलाई प्राथमिकता दिने भनी रेडियोका प्रबन्ध निर्देशक गजेन्द्र कुमार लामाद्धारा हस्ताक्षरित प्रेस विज्ञप्तिमा उल्लेख भएको छ ।