काठमाडौंमा पेट्रोलियम पर्दाथको अभाव

by raju Tue Feb 12, 2008 1:27 pm NST

पेट्रोलियम पदार्थको सहज आपूर्ति नहुँदा सर्वसाधारणले सास्ती बेहोर्नुपरेको छ । केही दिनदेखि काठमाडौंमा पेट्रोलियम पर्दाथको अभाव भएपछि भाडा तथा निजी यातायातका साधन कम मात्र गुडेका छन् ।

डिजेलको अभाव भएकालॆ सार्वजनिक यातायातका साधन पनि निकै कम चलेका छन् । यातायातका साधन नपाएपछि सर्वसाधारण पैदल हिडेर गन्तव्यसम्म पुग्न वाध्य छन् । काठमाडौंमा अधिकांश पेट्रोलपम्पमा पेट्रोल छैन लेखिएको बोर्ड झुन्डाइएको छ । पेट्रोलियम पदार्थ बाँडिरहेका पम्पहरुमा पनि अत्यधिक भिड भएकाले सर्वसाधारणहरु घण्टौ लाम लाग्न बाध्य भएका छन् । यस्तै मट्टितेलको पनि अभाव भएपछि काठमाडौंमा नेपाल आयल निगमको बिक्री केन्द्रहरुमा उपभोक्ताको भिड लागेको छ । एक सातादेखि निगमका बिक्री केन्द्रहरुमा मट्टितेल नभएपछि उपभोक्तालाई निकै समस्या परेको छ ।

काठमाडौंका अधिकाशं चोकमा मट्टितेल किन्नेहरुको लाम लागे पनि समयमा मट्टितेल नपाएपछि उपभोक्ता आक्रोशित बनेका छन् । आयल निगमको थोक विक्री केन्द्रले मट्टितेलको कृत्रिम अभाव सिर्जना गरेको उपभोक्ताको आरोप छ ।