कास्कीको सराङ्गकोटमा बस दुर्घटना हुँदा ११ जनाको मृत्यु ४२ जना घाइते

by raju Mon Dec 14, 2009 1:48 pm NST

कास्कीको सराङ्गकोटमा बस दुर्घटना हुँदा ११ जनाको मृत्यु भएको छ भने ४२ जना घाइते भएका छन् । कास्कीकोट गाविसबाट पोखरा आउँदै गरेको ना १ ख ६२६६ नम्वरको यात्रुवाहक वस सराङ्गकोट गाविस साउनेपानीमा सडकबाट झण्डै डेढसय फीट तल खस्ोको छ । कच्ची सडकबाट भीरमा बनेको खोल्सामा बस खसेको हो । खोल्साको दायाँवायाँ रहेका रुखमा डोरी वाँधेर वसमा च्यापीएका घाइतेको उद्दार गरिएको छ । दुर्घटनामा घाइते भएका ४२ जनाको गण्डकी क्षेत्रीय अस्पताल र मणिपाल अस्पतालमा उपचार भैरहेको छ । केही घाइतेको अवस्था गम्भीर भएको प्रहरीले जनाएको छ । कार्यालय समय भएका कारण वसमा यात्रुको भीड रहेको घटनाका प्रत्यक्ष दर्शीको भनाई छ । घटना के कारणले भएको भन्ने यकीन हुन सकेको छैन । घटना लगत्तै स्थानीयवासी प्रहरी र प्याराग्लाइडिङ्गका लागि गएका पर्यटकले उद्दार गरेका थिए ।