जापानमा रेस्टुरेन्ट ब्यवसायीहरु सङठित

१२ दिसेम्बरका दिन जापानका नेपाली रेष्टुरेन्ट ब्यवसायीहरुको टोकियोको ओकुबोस्थित केबी किचनमा सम्पन्न एक भेलाद्वारा "नेपाल जापान रेष्टुरेन्टब्यवसाय संघ" नामक संगठनको गठन भएको छ ।

उक्त भेलाले सुनिलकुमार शाक्यको अध्यक्षतामा ७ सदस्यीय "नेपाल जापान ब्यवसायी संघ" को पहिलो कार्यसमिति गठन गरिएको छ । जसअनुसार उपाध्यक्षमा रघुदीप खड्का, महासचिवमा रविन्द्र श्रेष्ठ (शाखः), र कोषाध्यक्षमा जनकराज शाक्य सर्बसम्मतिबाट चयन हुनुभएको छ भने अन्य सदस्यहरुमा कृष्णबदन जोशी, अनिलकुमार शाक्य र शाक्यरत्न शाक्य रहनुभएको छ । यसैगरी भेलाले एनआरएनका आइसीसी सदस्य किरणविक्रम थापालाई सल्लाहकारमा मनोनयन गरेको छ ।

रेष्टुरेन्ट ब्यवसायीहरुको भेलाले चुस्त, दुरुस्त एवं प्रभावकारी ढंगबाट संघलाई अगाडि बढाउनका लागि आगामी तीनमहिनाभित्र संघको बिधान निर्माण गरी कार्यान्वयनमा ल्याइने निर्णय पनि गरेको छ । यसैगरी भेलाले बिचल्लीमा परेका रेष्टुरेन्ट ब्यवसायसंग सम्बन्धि नेपाली दाजुभाइ तथा दिदीबहिनीहरुका लागि के कसरी सुगम ब्यवस्था गर्न सकिन्छ यसबारे सम्बधित एबम जिम्मेवार ब्यबसायीहरु माझमै बसी उक्त बिचल्लीबारे छलफल गरी यथासक्य पहलको बाटो अपनाउने प्रतिबद्धता समेत जाहेर गर्दै संघले यथाशिघ्र अरु प्रभावकारी कार्यक्रमहरु सार्बजनिक गर्ने बताएको छ ।
भेलाद्वारा जापानका रेष्टुरेन्ट ब्यवसायी नेपाली तथा जापानी नागरिकहरुमा नवगठित ब्यवसायी संघमा आबद्ध हुन हार्दिक आह्वानसमेत गरिएको छ भने यस संस्थाले बोकेको नारा यस प्रकारको छ " आफू पनि बनौ सबैलाई पनि बनाउ" !"

रबि श्रेष्ठ ,तोकियो