धादिङमा सुनखानी

by raju Tue Feb 12, 2008 1:21 pm NST

प्रथम धादिङ महोत्सवमा प्रदर्शनीका लागी ल्याइएको ढुङगा पगाल्दा सुन भेटिएको छ । प्याल्दोर हिमाल विकास क्लब तिप्लिङले हिमाली क्षेत्र तिप्लिङको सुनदह बाट ल्याएको दाउ जातको ढुङगो पगाल्दा सुन भेटिएको हो ।

सुनदहको ढुङगोमा सुन हुनॆ सुनेर टल्कनॆ कालो ढुङगो महोत्सवमा प्रदर्शनीका लागी ल्याएको क्लबका हेम थापा वाइवाले बताउनु भयो । प्रथम धादिङ महोत्सव सकिए लगत्तै हिजो पाँच सय ग्रामको ढुङगो पगाल्दा एक तोला सुन भेटिएको हो । भेटिएको सुन गुणस्तरिय भएको सुनपसलले बताएका छन् । जस्ताखानीको उत्खनन गर्दै आइरहेको नेपाल मेटल कम्पनीले सुनदहमा पाईने दाउ जातको ढुङगा अनुसन्धानको लागी भन्दै विदेश लैजाने गरेकाले सुनदहको संरक्षण गर्नुपर्ने स्थानियबासीको माग छ ।