पत्रकारको चुनाव

by raju Tue Feb 12, 2008 1:20 pm NST

चलचित्र पत्रकार संघको चौथो महाधिवेशन काठमाडौंमा सुरु भएको छ । एक दिने अधिवेशन नयाँ नेतृत्व चयन गर्दै पत्रकार महासंघको केन्द्रीय निर्वाचनका निम्ति सभाषद पनि चयन गर्ने भएकेा छ ।

यस पटक अध्यक्ष पदका निम्ति चार जनाले उम्मेदवारी दिने चर्चा छ । वर्तमान अध्यक्ष विदूर गिरी, पत्रकार शान्तिपि्रय नरेश भट्टराई र कृष्ण साह यात्रीले आगामी नेतृत्वको दाबी गरिरहेका छन् । त्यस्तै महासचिवमा सगरमाथा टेलिभिजनका पत्रकार विनोद अर्याल र सुव्रत आचार्य प्रतिस्पर्धामा छन् । काठमाडौंको लैनचौरस्थित बैंकटेश क्लबमा सुरु भएको महाधिवेशनको बन्द सत्रमा गत वर्षको आय व्यय प्रतिवेदन पेश गर्ने तयारी भइरहेको छ ।

यसैगरी नेपाल पत्रकार महासंघ बाँकेको आठौं अधिवेशनले झलक गैरेको अध्यक्षतामा नयाँ कार्यसमिति निर्वाचित गरेको छ । अधिवेशनबाट केन्द्रीय सभासदमा कृष्ण अधिकारी जे पान्डे जनक नेपाल शिब डोटेल गोपी बुढा अछरी पोखरेल निर्वाचित भएका छन् । त्यसैगरी अन्य केन्द्रीय सभासद्मा पन्नालाल गुप्ता हेमन्त कर्माचार्य प्रेम केसी निरज गौतम र बिजय बर्मा निर्बाचित भएका छन् ।