नेपालमा मुद्दा नचलाई डा. अमितलाई भारत पठाइयो

by dinesh Sat Feb 9, 2008 11:24 pm NST

मृगौलाको अवैध व्यापार गर्ने आरोप लागेका डा‌‌.‌ अमितकुमारलाई नेपालमा कुनै मुद्दा नचलाई विना कुनै कारवाही भारतमा सुपुर्दगी गरिएको छ । डा. अमितलाई शनिवार साँझ साढे पाँच बजेको इण्डियन एअरलाइन्सको ८१४ नम्वरको विमानबाट भारत पठाइएको हो ।

आइतवार मुद्दा चलाइने भनिएका डा. अमितलाई शनिवार साँझ नैं भारतमा सुपुर्दगी गरिनुलाई शंकास्पद दृष्टिले हेर्न थालिएको छ । एक सय भन्दा बढि नेपालीको मृगौलाको अवैध व्यापार गरेको आरोप लागेका उनलाई मानव अंग प्रत्यारोपण ऐन र विदेशी मुद्रा विनिमय ऐन अन्तर्गत तयारी भइरहेको थियो । तर यस सम्वन्धी कुनै क्रियाकलाप अघि बढ्न नपाउँदै अमितकुमारलाई यथासक्य हस्तान्तरण गर्न भारत सरकारले नेपाल सरकारलाई अनुरोध गरेपछि नेपाली सुरक्षाकर्मीले उनलाई बुझाइदिएको हो ।

by jirajuka Sun Feb 10, 2008 2:11 am NST नेपालमै आरोप लागेका व्यक्तिलाई यसरी हतार हतारमा भारतलाई बुझाउनुको अर्थ नेपाली अधिकारीहरुको भारतबाट स्याबासी र पुरस्कार पाउने लालसा हो भन्ने मलाई लाग्छ जसको प्रमाणस्वरुप आरोपित डा अमितकुमार भारत पुग्ने बित्तिकै त्यहाँका अधिकारीहरुले नेपाल प्रहरीलाई एकदम सराहना गरी धन्यवाद व्यक्त गर्नु हो ।