बाघ सम्मेलन आजदेखि सुरु

by rn Tue Oct 27, 2009 3:53 pm NST

प्रधानमन्त्री माधवकुमार नेपालले लोपोन्मुख वन्यजन्तु संरक्षणका लागि अन्तरदेशीय नो बाउन्ड्री एरिया स्थापनाको प्रस्ताव गर्नुभएको छ । काठमाडांैमा आजदेखी सुरु भएको विश्व बाघ कार्यशाला उद्घाटन गर्दै प्रधानमन्त्री नेपालले बन्यजन्तुको बासस्थानमा कुनै निश्चित परिधि तोक्न नहुने भन्दै निकट भविष्यमै नेपाल र भारतबीच नो बाउन्ड्री अवधारणा लागू हुने जानकारी दिनुभयो । आवश्यक कानून बनाएर लोप।ेन्मुख वन्यजन्तु संरक्षण गर्ने प्रतिबद्धता पनि प्रधानमन्त्रीले जनाउनुभयो ।


वन तथा भू-संरक्षण मन्त्रालयको आयोजना तथा विश्व बाघ माच साइटिस सचिवालय ग्लोबल टाइगर इनिसियटिभ विश्व बैंक सेभ द टाइगर फण्ड राष्ट्रिय प्रकृति संरक्षण कोष र विश्व वन्यजन्तु कोष नेपालको सहयोगमा सुरुभएको सम्मेलन चार दिन चल्नेछ । सम्मेलनमा बाघ पाइने देशका साथै बाघ संरक्षणमा कि्रयाशील राष्ट्रिय-अन्तर्राष्ट्रिय सरकारी तथा गैर-सरकारी संस्थाका झन्डै दुई सय प्रतिनिधी सहभागी छन्ा् । बाघको संख्या बढाउनका लागि चाल्नुपर्ने कदमवारे कार्यशालाले रणनीति बनाउने छ । नेपाल सरकारले आजै गौरीशंकर क्षेत्रलाई संरक्षीत् क्षेत्र घोषणा गरेको छ । यो सहित अब नेपालमा संरक्षण क्षेत्रको संख्या १३ पुगेको छ । बन मन्त्री दिपक बोहोराले बर्दिया राष्ट्रिय निकुाजको क्षेत्र बढाएर नौं हजार वर्ग किलोमिटर बनाएको जानकारी पनि दिनुभयो । सरकारले बन्यजन्तुको अबैध चोरी सिकारी नियन्त्रण गर्न अर्धन्यायिक एन्टी पोचिङ् सेल घोषणा पनि गरेको छ । कार्यशालाले अन्तराष्ट्रिय बाघ संरक्षणमा अवलम्बन गरिएका कार्ययोजना र अनुभव समिक्षा गरी नयाँ रणनीति तयार पार्नेछ ।