लेखिने भयो गणतान्त्रिक संविधान

by gyan Thu Nov 13, 2008 7:31 am NST

गणतान्त्रिक नेपालको नयाँ संविधान अब चाहिं लेखिने नैं भएको छ । यही मंसीर १ देखि नेपालको संविधान लेख्न शुरु हुने कुराको जानकारी सुवास नेम्वाङ्गले दिएका छन् ।

२५० वर्षको शाहवंशीय शासनकालको अन्त्य भई गणतान्त्रिक नेपालको संविधान लेख्नकै लागि करीव ७ महिना अघि नेपालमा चुनाव भएको थियो तर संविधान भने लेख्न सकीरहेको थिएन । हिजो रौतहटको गौरमा मध्यमाञ्चल महोत्सवको उद्घाटन गर्ने क्रममा यहि मंसीर १ गतेदेखि संविधान लेखन कार्य शुरु हुने र यस अघि केहि नियमावलिहरु पारित गर्नुपर्ने कुरा नेम्वाङ्गले बताए ।

संविधान समयमानै लेख्न नसके मुलुक ठूलो दुर्घटनामा पर्ने कुरा हालै मात्र काङग्रेसका सभापति गिरिजा प्रसाद कोइरालाको भनाइ बाहिर आएको थियो ।

संविधान निर्माण नभए मुलुकमा स्थायित्व र विकास नहुने वताउने अध्यक्ष नेम्वाङ्गले समयमा नै संविधान लेखि सक्ने कुरामा विश्वष्ट देखिन्छन् । रौतहटमा पहिलो पटक शुरु भएको महोत्सव मंसीर ६ गतेसम्म चल्ने बताइएको छ ।