नयाँ कुमारी

by safalata Thu Oct 9, 2008 10:40 am NST

कीर्तिपुण्य महाविहारकी तीन बर्षिया मतिना शाक्यलाई नयाँ कुमारीका रुपमा चयन गरिएको छ । कुमारी चयन हुनुअघि राष्ट्र-प्रमुखसमक्ष परिचय गराउने परम्परा अनुरूप मतिनालाई आइतबार राष्ट्रपति डा. रामवरण यादवसँग गुठी संस्थानका निमित्त प्रशासक हेमराज सुवेदीले परिचय गराएका थिए ।

असोज शुक्ल अष्टमीका दिन कुमारी घर भित्र्याइएकी नवकुमारी शाक्यलाई नवमीका दिन राति विधिवत रुपमा हनुमानढोका दरबार परिसरस्थित मूल चोकमा लगि पूजा गरियो । मूल पूजाभन्दा पहिले काठमाडौंका नौ कुमारीलाई पूजा गरिएको थियो । कुमारीका रुपमा छानिएकी मतिना शाक्यलाई नौ कुमारी पूजापछि कुमारी घरबाट हनुमानढोका लगिएको थियो । कुमारीलाई हनुमानढोकास्थित तलेजु भवानीको मन्दिरको ढोकाबाट भित्र लगि मूल चोकमा अवस्थित कुमारीको गर्भगृहमा तान्त्रिक विधिले पूजा गरिएको थियो ।