नेपाली कांग्रेसको चुनाव प्रचार टोलीलाई माओवादीको आक्रमण

by raju Wed Feb 6, 2008 2:55 pm NST

संविधानसभाको चुनाव प्रचारप्रसार गर्न हिँडेका नेपाली कांग्रेसका नेता दिलेन्द्रप्रसाद बढुसहितको टोलीलाई नेकपा माओवादीका कार्यकर्ताले दार्चुलामा आक्रमण गरी घाइते बनाएका छन् । दार्चुलाको लटिनाथ गाविसस्थित रिल गाउँमा चुनावीसभाका लागि पुगेका कांग्रेसका नेता तथा कार्यकर्तालाई माओवादीले ढुंगामुढा प्रहार गरेका थिए ।

माओवादीको ढुंगामुढामा परेर नेता बढुसहित ६ जना कांग्रेस कार्यकर्ता र सात जना प्रहरी घाइते भएका छन् । प्रहरी र माओवादीबीच भएको झडपपछि पाँच जना प्रहरी सम्पर्कविहीन भएका छन् । प्रहरीका १ थान राइफल १ थान पेस्तोल र १ थान साचारसेटसमेत माओवादी कार्यकर्ताले लुटेर लगेको घटनामा घाईते भएका हेमन्त विष्टले बताउन भयो ।

झडपमा घाइते भएकालाई उपचारका लागि आज हेलिकोप्टरबाट काठमाडौं ल्याइएको छ । घाईते मध्ये ६ जनाको महाराजगाज शिक्षण अस्पतालमा र बाँकी सात जना प्रहरीको वीर अस्पतालमा उपचार भइरहेको छ । झडपमा घाईते हुनुभएका नेपाली काँग्रेसका केन्द्रय सदस्य दिलेन्द्र बढुले आज हुने चुनावी सभाको तयारीका लागि रिल गाउँ पुग्दा स्थानीय एक घरमा खाना खाइरहेका बेला माओवादी कार्यकर्ताले आक्रमण गरेको बताउनुभयो । घटनामा दीलेन्द्र बढु, हेमन्त विष्ट, शेरिसंह धामी, नरेन्द्र धामी र हरकिसंह धामी र सात जना प्रहरी घाइते भएका छन् । झडपमा प्रहरीले चलाएको गोली लागेर दुई जना माओवादी कार्यकर्ता पनि घाइते भएका छन् ।