नेपाली तिर्थयात्रु सहितको बस भारत दुर्घटना ३४ जनाको मृत्यु

by rn Fri Aug 1, 2008 3:35 pm NST

भारतको उत्तराखण्डको चमोलि जिल्लामा नेपाली तिर्थयात्रु सहितको बस दुर्घटना हुंदा ३४ जनाको ज्यान गएको छ । बसमा रहेका पाँच जना घाइते भएका छन् । मृतक २३ जनाको शव भारत चमौलीको बुकेश्वर अस्पतालमा लगिएको र कानुनी प्रकि्रया सकेर पोष्टमार्टम गरिने त्यहां रहेका जनक राम पौडेलले जानकारि दिनुभएको छ । त्यस्तै द्दुई जनाको बुकेश्वर अस्पतालमा र तीन जनाको श्रीनगर अस्पतालमा उपचार भइरहेको छ ।

काभ्रेको पनौति खोपासी ललितपुर हेटौंडा र केही काठमाण्डौका यात्रु लिएर चारधाम यात्रामा गएको बस भारतको अलकान्द नदीमा खसेको हो । नदिमा वस पुरै डुबेको र १२ जनालाई नदिले वगाएको आशंका छ । मृतक मध्ये २६ जना महिला छन् । प्रहरीले नदिबाट मृतकको लाश निकालॆको र पोष्टमार्टम सम्बन्धी आवाश्यक प्रकि्रयाका लागि आजै नेपाल प्रहरीको टाली त्यसतर्फ गएको छ । दिल्लिस्थित नेपाली दुतावासले घटनाबारे समन्वय गरिरहेको घटनास्थलमा रहेका घाइतेले जनाएका छन् । दुर्घटनामा परेको बसमा ३८ जना यात्रु थिए । अरनिको यातायातको ना।२।ख। २३९१ नंवरको बसले सन्तुलन गुमाएर नदीमा खसेको हेा । संगै गएका तीर्थयात्री मधुसूदन सुवेदीका अनुसार मृत्यु हुनेमा पनौती ५ का रामकृष्ण कार्की कालिका कार्की बाबुकाजी कार्की गंगा कार्की दुर्गाबहादुर बस्नेत कमला बस्नेत रमा सुवेदी रहेका छन् । त्यस्तै पनौती ७ का माधव नारायण मानन्धर सेतीमाया मानन्धर नन्दकुमार मानन्धर सीता मानन्धर मुक्तिनाथ मानन्धर नानीमैया मानन्धर छन् । पनौती ८ का श्रीधर सुवेदी सावित्री सुवेदी पुरुषोत्तम सुवेदी शान्ता सुवेदी रहेका छन् । त्यस्तै मृतक गोपाल के।सीको ठेगाना खुलेको छैन । घटनास्थलमा रहेका जनक पौडेलका अनुसार घाइते सावीत्रि सुवेदी गंगा कार्की राजेश थामी र पुष्कर न्यौपानेको अवस्था खतरामुक्त रहेको छ । पनौतिका सर्वसाधरणले आजै परराष्ट्र मन्त्रालयमा मृतकको शव नेपाल ल्याउन आवाश्यक पहल गरि दिन अपील गरेका छन् । भारतमा भएको दुर्घटनामा ३४ जना नेपालीको ज्यान गएपनि अहिले सम्म गृह र परराष्ट्र मन्त्रालयले ाधीकारिक जानकारी गराएको छैन । यता काभ्रेको पनौतीबाट भारतको वद्री केदार लगायत विभिन्न स्थानमा गएका तिर्थयात्री चढेकॊ बस दुर्घटनामा परपछि पनौती नगर क्षेत्र शोकमा डुवेको छ । बस दुर्घटनाको खबर आएपछि यहाँका बासिन्दा हिजो देखि नै भोक र निन्द्राको वास्ता नगरी आफन्तको खोज खबरमा लागेका छन् । बस दुर्घटनामा पनौतीको वडा नं। ५ ६ ७ र ८ का २५ भन्दा बढि तिर्थयात्रीको मृत्यु भएको खबर साचार माध्यमबाट आइरहेको छ ।