राष्ट्रपति मतदान सोमबार

by rn Mon Jul 21, 2008 6:14 pm NST

गणतान्त्रिक नेपालको पहिलो राष्ट्रपति पदका लागि शनिवार भएको मतदानमा कसैको पनि बहुमत पुगेन । तर उपराष्ट्रपतिमा मधेसी जनअधिकार फोरमका परमानन्द झा विजयी हुनुभएको छ । राष्ट्रपति पदमा बहुमत नपुगेपछि भोलि साउन ६ गते सोमबार विहान ८ बजेदेखि पुनः मतदान हुने भएको छ । हिजो मतदानपछि मत परिणाम घोषणा गर्न साँझ अबेर बसेको संविधानसभाको बैठकले पुनः मतदानको समय तोकेको हो ।

संविधानसभाको अर्को बैठक पनि सोमबार दिउँसो ४ बजे बस्नेछ । कूल मतदाता पाँच सय ९४ रहे पनि पाँच सय ७८ सभासद्ले मात्र मतदान गरेका थिए । मतदानमा १६ जना सभासद् सहभागी भएनन् । बहुमत प्राप्त गर्न दुई सय ९८ मत आवश्यक पर्छ । तर मत परिणामअनुसार नेपाली कांग्रेस एमाले र फोरमको समर्थन प्राप्त राष्ट्रपतिका उम्मेद्वार डाक्टर रामवरण यादवले बहुमतका लागि १८ मत कम अर्थात् दुई सय ८३ मत मात्र प्राप्त गर्नुभएको थियो ।

त्यस्तै माओवादीको समर्थनका राष्ट्रपतिका उम्मेद्वार रामराजाप्रसाद िसंहले डाक्टर यादवको भन्दा १३ मत कम अर्थात् दुई सय ७० मत प्राप्त गर्नुभएको छ । त्यस्तै एमालेले राष्ट्रपतिमा कांग्रेसलाई समर्थन गरेकाले राष्ट्रपति पदका एमालेका उम्मेदवार रामपि्रत पासवानका पक्षमा एक मत पनि परेन । राष्ट्रपति पदमा २५ मत बदर भई पाँच सय ५३ मतमात्र सदर भएको थियो । उपराष्ट्रपतिमा विजयी फोरमका झाले तीन सय पाँच मत प्राप्त गर्नुभएको छ । निकटतम प्रतिद्वन्द्वी माओवादीका शान्ता श्रेष्ठले दुई सय ४३ मत प्राप्त गर्नुभएको छ । उपराष्ट्रपति पदमा पनि २४ मत बदर र पाँच सय ५४ मत मात्र सदर भएको निर्वाचन अधिकृतको कार्यालयले जनाएको छ । उपराष्ट्रपतिका उम्मेदवार अष्टलक्ष्मी शाक्यले चार र मानबहादुर बिश्वकर्माले दुई मत प्राप्त गर्नुभएको थियो ।