आयोग के का लागि ?

by raju Wed Feb 6, 2008 2:53 pm NST

अन्तरीम संविधान र सात राजनीतिक दलबीच भएको २३ बुँदे सम्झौतामा सत्य निरुपण तथा मेलमिलाप आयोग लगायतका आयोग गठन गर्ने भनिएको छ । सरकारले आयोगको प्रभावकारीता अनुगमनका लागि विधेयक मस्यौदा गरी क्षेत्रीय स्तरमा परामर्श पनि शुरु गरिसकेको छ । तर आयोग गठन गर्न ढिलाई भएको र यसमा पर्याप्त गृहकार्य पनि हुन नसकेको भन्दै महिला अधिकारका क्षेत्रमा कार्यरत व्यक्तिहरुले सरकार निस्कृय रहेको टिप्पणी गरेका छन् ।

संचारिका समूहले काठमाडौंमा आज गरेको अन्तकि्रयामा उनीहरुले सरोकारवाला र विज्ञहरुसँग परामर्श गरी आयोग गठन गरिनुपर्ने बताए । सबै आयोगमा महिलालाई सहभागी गराउन पनि उनीहरुले राजनीतिक दललाइ आग्रह गरे । आयोगमा निस्पक्षँ स्वतन्त्र र विज्ञहरुको सहभागिता हुनुपर्ने उनीहरुको सुझाव छ । कार्यक्रममा नेपाली कांग्रेसका नेता डा प्रकाशशरण महतले आयोगमा राजनीतिक प्रभाव भए पनि काम कारवाही प्रभावित हुन नहुने बताउनुभयो । नेकपा माओवादीका नेता सीपी गजुरेलले निष्पक्ष आयोग गठन प्रकि्रयामा सरकार र दल कि्रयाशील हुनुपर्ने बताउनुभयो । नेकपा एमालेका नेता योगेश भट्टराईले आयोगको संवैधानिक र राजनीतिक हैसियत स्पष्ट हुनुपर्ने बताउनुभयो । उहाँले शान्ति तथा पुनर्निर्माण मन्त्रालयका काम कारवाहीप्रति असन्तुष्टि ब्यक्त गर्नुभयो ।