अझै कायमै छ पाल्पामा तनाव

by rn Tue Jul 15, 2008 1:16 pm NST

यातायात भाडामा सहुलियत नदिएको भनि आन्दोलनमा उत्रिएका पाल्पाका विद्यार्थी र व्यवसायीबीचको तनाव आज सम्म पनि कायमै छ । दुवै पक्षले गरेको अनिश्चितकालीन बन्दले आज पनि जिल्लामा निजी तथा भाडाका गाडी चल्न सकेको छैन । लगातारको बन्दले सुदुरपश्चिमको जनजीवन कष्टकर बन्दै गएको छ । बन्द आव्हाकनकर्ताले बजार र यातायात बन्द गरेपनि विद्यालय र आकस्मिक सेवाका गाडीलाइ भने रोक लगाएको छैन । बन्दले तानसेन तनावग्रस्त बनिरहेको छ । तानसेनमा आइतबार देखी विद्यार्थी र यातायात व्यवसायीबीच झडप हुंदै आएको छ । हिजो भएको झडपमा विद्यार्थी प्राध्यापक र केही यातायात व्यवसायी घाइते भएका छन् । विद्यार्थीले ४५ प्रतिशत भाडा सहुलियत दिन र घाइते विद्यार्थीको उपचार हुनुपर्ने अडान राखेका छन् । सिण्डिकेट प्रणालीको विरोधमा उत्रेका सुदुर पश्चिमका यातायात व्यवसायीले पनि आज गाडी बन्द गरेका छन् ।