विद्रोही प्रहरी हिरासतमा

by rn Tue Jul 15, 2008 1:16 pm NST

आफ्नै हाकिम बिरुद्ध सशस्त्र बिद्रोहमा उत्रिएका दंगा नियन्त्रण प्रहरी गण नेपालगन्जका १९ जना प्रहरीलाई प्रहरी ऐन २०१२ अनुसार कारवाही प्रकि्रया थालिएको छ । नेपाल प्रहरी ऐन २०१२ अनुसार यस्ता घटना भएमा सवै घटनाको जिम्मा गृह प्रशासन र नेपाल प्रहरीका महानिरीक्षकले लिनुपर्ने हुन्छ भन्ने सुरक्षा निकायमा सशस्त्र विद्रोह गर्ने गराउने गर्न उक्साउने र थाहा पाएर पनि विद्रोह रोक्न पहल नगर्नेलाई जन्मकैद सम्मको कारवाही हुन्छ । बिद्रोही प्रहरीका अगुवा प्रहरी नायब निरिक्षक धनबहादुर बिकसहित ४ जनालाई हिरासतमा राखिएको छ । बिद्रोहीका अगुवा प्रहरी नायब निरीक्षक धन बहादुर बिक र शैलेन्द्र बस्नेत तथा हबल्दारहरु बीरेन्द्र कार्की र खुसीराम चौधरीलाई जिल्ला प्रहरी कार्यालय बाँकेको हिरासतमा छन् । बिद्रोहमा उत्रेका अरु १९ जनासँग सोधपुछ भइरहेको छ । उनीहरुले गल्ती गरेको स्वीकार गर्दै कम सजाय गर्न सरकार सँग गुहार मागेका छन् । बिद्रोही प्रहरीले आइतबार राती आत्मसर्मपण गरेका हुन् । बाँकेकै शम्सेरगाजमा यसअघी बिद्रोह गरेर चर्चामा आएका शसस्त्र प्रहरी शम्सेरगाजका विवादीत १५ जनालाई पनि अनुसन्धानका लागि गिरफ्तार गरिएको छ । अधीकृतहरुसँग सम्झौता गरेर आत्मसमर्पण गरेका दंगा नियन्त्रण गणका दुई प्रहरीले भने सहमति मिचिएको भन्दै अनसन थालेका छन् ।