युथ फोर्सद्वारा भ्रष्टाचारी पक्रेर सार्वजनिक

by rn Tue Jul 1, 2008 5:19 pm NST

नेकपा एमालेको भर्खरै गठन भएको भ्रातृ संगठन युथ फोर्सले श्रम तथा रोजगार प्रवर्धन विभागका एक खरिदार र अर्का एक दलाललाई विभागमा घुस लिँदालिँदै पक्राउ गरी सार्वजनिक गरेको छ । विभागले स्वर्गद्वारी अभिमुखीकरण तालिम केन्द्रको काम रोक्का गरेकोमा फुकुवा गराउन विभागमा पुगेका केन्द्रका साचालकसँग विभागका कर्मचारीले २० हजार रुपैयाँ घुस मागेका थिए । त्यसपछि संस्थाका साचालकले युथ फोस्रलाई गुहारेपछि फोस्रले उनीहरुलाई पक्राउ गरी सार्वजनिक गरेको हो ।

युथ फोर्सका कार्यकर्ताले श्रम विभागका खरदार भुवनकुमार रेग्मी र दलाल दमन चन्दलाई १५ हजार रुपैयाँसहित पक्राउ गरी कुटपिट गरेका थिए । सुरुमा २० हजार मागे पनि १५ हजारमा काम गर्न राजी भएका थिए । पैसा लिनासाथ फोस्रका कार्यकर्ताले विभागका खरदार भुवनकुमार रेग्मीलाई कुटपिट गर्दै रत्नराज्य उच्च मावि अगाडिको चौतारामा ल्याएर सार्वजनिक गरेका थिए । त्यस क्रममा युथ फोर्सका कार्यकर्ता र प्रहरीबीच केहीबेर तानानान हुँदा बाटो पुरै अवरुद्व भएको थियो । फोर्सका कार्यकर्ताले भ्रष्टाचारीलाई प्रहरीले कारवाही नगरे आफै कारवाही गर्ने चेतावनी दिएका छन् । विभागका निर्देशक कृष्ण दवाडीले भ्रष्टाचार भएको प्रमाणित भए जस्तोसुकै कारवाही गर्न तयार रहेको आश्वासन दिएका छन् । घटनापछि युथ फोस्रका कार्यकर्ताले विभागका सबै स्थान अवलोकन गरी कर्मचारीलाई निगरानी गरेका थिए ।