असार १२ गते उपत्यका बन्द

by rn Tue Jun 24, 2008 3:47 pm NST

पेट्रोलियम पर्दाथमा भएको मूल्यवृद्वि फिर्ता गराउन दबाव दिने उद्देश्यले चार साना दलले असार १२ गते उपत्यका बन्दको घोषणा गरेका छन् । काठमाडौंमा आज पत्रकार सम्मेलन गर्दै नेपाल कम्युनिष्ट पार्टी एकिकृत, तामसालिङ्ग नेपाल राष्ट्रिय दल, नेपाल कम्युनिष्ट पार्टी संयुक्त माक्स्रबादी, नेपाल सुकुम्बासी पार्टी लोकतान्त्रिकले संयुक्त रुपमा बन्द गर्ने घोषणा गरेका हुन् ।

बन्द आह्वानकर्ताहरुले पेट्रोलियम पर्दाथको मूल्यवृद्वि तत्काल फिर्ता लिनुपर्ने यातायातको भाडामा भइरहेको महङ्गीलाई नियन्त्रण गर्नुपर्ने चुहावट भ्रष्टाचार कालोबजारी र कमीशनतन्त्रलाई रोक्नुपर्ने माग राखेका छन् । त्यस्तै विद्युतीकरणको नीति लगाउनुपर्ने पूर्व राजाका परिवारलाई दिएको सुविधा खोस्नुपर्ने लगायतका ११ सुत्रीय मागहरु अघि सारेका छन् । बन्द आव्हानकर्ताहरुले सरकारले अनावश्यक महङ्गी बढाएर बिपन्न बर्गलाई थिचोमिचो गरेकेा आरोप लगाएका छन् । बन्द आव्हान गरेका ४ दलले सरकारले जनआन्दोलनको भावनाबिपरीत काम गरिरहेको भन्दै यस्तै कार्य जारी राखे आन्दोलन चर्का उनेचेतावनी दिएका छन् ।