राष्ट्रपतिमा एमालेको शंभावना बढ्दो

by rajendra Thu Jun 19, 2008 11:25 am NST

राजनैतिक गतिरोधका लागि शीर्ष दलहरुको छलफल हुँदै गर्दा राष्ट्रपतिमा एमालेको शंभावना बढेको छ । प्राप्त जानकारी अनुसार नेकपा एमालेले आफ्ना पूर्व महासचिव माधवकुमार नेपाललाइ राष्ट्रपति बनाउन प्रस्ताव गरेको छ भने माओवादीले सहाना प्रधानलाइ राष्ट्रपति बनाउने प्रस्ताव गरेको छ ।

तीन दल मध्ये नेकपा माओवादी र नेकपा एमालेले कुनै पनि अवस्थामा प्रम एवं नेपाली कांग्रेसका सभापति गिरिजाप्रसाद कोइरालालाई राष्ट्रपति बन्न नदिने अडान लिएका छन् । यही बीच हिजो एमालेले आफ्ना पूर्व महासचिव माधवकुमार नेपाललाई राष्ट्रपति बनाउनुपर्ने प्रस्ताव नेकपा माओवादी समक्ष राखेको र यस विषयमा माओवादी लचकताका साथ प्रस्तुत भएको बताइएको छ ।

शक्ति बाँडफाँड विषयमा अहिले तीन प्रमुख दलहरुको बैठक भइरहेको छ । आजको बैठकले राष्ट्रपति सम्बन्धमा केही ठोस निर्णय हुने आशा गरिएको छ । आजै प्रमुख सात दलहरुको पनि बैठक बस्दैछ ।