देशभर स्थानिय निकाय बन्द

by dinesh Thu Jun 19, 2008 10:18 am NST

वन तथा भू संरक्षण मन्त्री मातृकाप्रसाद यादवले स्थानिय विकास अधिकारीलाई शौचालयमा थुनी दुर्व्यवहार गरेको भन्दै स्थानिय निकाय कर्मचारी संघको आव्हानमा आज देशभरका स्थानिय निकाय बन्द गरिएका छन् । वनमन्त्री यादवले सार्वजनिकरुपमा माफि माग्नु पर्ने तिनीहरुको भनाई रहेको छ ।

घटना अनुसार ललितपुरको एक सामुदायिक वनमा अवैध रुपमा ढुंगाखानी संचालन भइरहेको सम्बन्धमा वनमन्त्री यादवले सोधपुछका लागि स्थानीय विकास अधिकारी लगायतका कर्मचारीहरुलाई बोलाएका थिए । सो ढुंगाखानी बन्दका लागि मन्त्री यादवले स्थानीय विकास कर्मचारीलाई निर्देशन दिएका थिए । यही विषयमा कुरा नमिली भनाभन भएपछि मन्त्री यादवले सो कर्मचारीलाई शौचायलमा थुनेका थिए ।

ललितपुर बन्दको आव्हान
उल्लेखित घटनाका दोषी देखिएका एक स्थानीय वासिन्दालाई वनमन्त्रीको निर्देशनमा पक्राउ गरेको भन्दै आज ललितपुरका स्थानिय वासिन्दाहरुले आज ललितपुर बन्दको आव्हान गरेका छन् । बन्दका कारण ललितपुरमा सार्वजनिक सवारी साधनहरु चल्न सकेका छैनन् ।