राजनैतिक गतिरोध कायमै

by dinesh Wed Jun 18, 2008 7:50 pm NST

माओवादी सेनाको समायोजन विषयमा सहमति जुट्न नसकेपछि प्रमुख तीन दलको बैठक विना निश्कर्ष टुङि्गएको छ । माओवादीले आफ्नो सेना नेपाली सेनामा सामूहिक समायोजन गर्ने माग गरेको छ भने अन्य दुई दल योग्यताको आधारमा मात्र सुरक्षा निकायमा प्रवेश गराइनु पर्ने अडानमा रहेका छन्।

आजको बैठकमा कार्यदलले तयार पारेको मस्यौदामा केही सहमति भएको जनाइएको छ । यस अन्तर्गत माओवादी भातृसंगठन वाइसिएलको अर्धसैनिक संरचना १५ दिनभित्र परिपार्जन गर्ने र सामान्य बहुमतबाट सरकार परिवर्तन गर्ने विषयमा तीन दल सहमत भएका छन् ।

आजको बैठकले राष्ट्रपति पदबारे भने केही सहमति बन्न सकेन । यही महत्वपूर्ण निर्णयको अभावले पनि राजनैतिक गतिरोध कायमै रहेको छ ।