ललितपुरमा गोली प्रहार

by rn Tue Jun 17, 2008 3:09 pm NST

हतियारधारी समूहले ललितपुरको लगनखेलस्थित प्रयाग पोखरीमा दुई जना प्रहरीमाथि गोली प्रहार गरेको छ । गोली लागि महानगरीय प्रहरी प्रभाग ललितपुरका प्रहरी नायव निरीक्षक प्रेमबहादुर रेग्मी र प्रहरी हवल्दार पार्वती उपाध्याय घाइते भएका छन् । रेग्मीको छाती र उपाध्यायको पाखुरामा गोली लागेको छ । रेग्मीको पाटन अस्पतालमा उपचार भइरहेको छ भने घाइते उपाध्याय सामान्य उपचारपछि घर फर्केका छन् ।

पाँच जना युवाबीच झगडा हुँदा पुगेका प्रहरीलाइ गोली प्रहार गरिएको थियो । गोली प्रहार गर्नेमध्येका दिनेश थापालाई प्रहरीले पक्राउ गरेको छ भने अरु चार जना अभियुक्त फरार रहेका छन् ।