सहमति नमिले सरकारबाट माओवादी बाहिरिने

by rajendra Tue Jun 17, 2008 10:42 am NST

दलहरुबीच सहमति नमिले आफूहरु भोलि नै सरकारबाट बाहिरिने नेकपा माओवादी सचिवालय बैठकले निर्णय गरेको छ । अहिले बिहान माओवादी अध्यक्ष प्रचण्ड निवासमा सम्पन्न बैठकले यो निर्णय गरेको हो ।

बैठकले गणतन्त्रवादी नेता रामराजाप्रसाद सिंहलाई नेपालको पहिलो राष्ट्रपतिका रुपमा चयन गर्ने अडान लिएको छ । नेपाली कांग्रेसबाट प्रस्तावित गिरिजाप्रसाद कोइराला र एमालेका माधवकुमार नेपाल दुबैलाई कुनै पनि हालतमा राष्ट्रपति स्वीकार नगर्ने बताइएको छ ।

उता हिजो बसेको तीन दलको बैठक विना निश्कर्ष टुङि्गएपछि वर्तमान राजनैतिक गतिरोध अन्त्यका लागि आज दिउँसो १:३० बजे प्रम निवास बालुवाटारमा पुनः बैठक बस्दैछ ।