यातायातमा नयाँ भाडादर कायम

by dinesh Tue Jun 17, 2008 10:00 am NST

श्रम तथा यातायात व्यवस्था मन्त्रालयमा हिजो राति अबेरसम्म बसेको नेपाल सरकार र यातायात व्यवसायी प्रतिनीधिबीचको बैठकले नयाँ यातायात भाडादर कायम गरिएको छ । निर्णय अनुसार २५ देखि ३६ प्रतिशतसम्म भाडा बढाइएको छ ।

सहमत भाडादर अनुसार लामो दूरीमा प्रति किलोमिटर १ रुपैयाँ ४२ पैसा, लोकल सवारी साधनमा पहिलो ५ किलोमिटरको १२ रुपैयाँ र त्यसपछिको प्रत्येक किलोमिटरको २ रुपैयाँ ५५ पैसा, ट्याक्सीमा सुरु मिटरमा ११ रुपैयाँ र प्रत्येक किलोमिटर ४ रुपैयाँ ६० पैसा कायम भएको छ । पहाडी क्षेत्रमा भने यसअघि व्यवसायीले गरेको वृद्धिलाई नै कायम राख्ने सहमति भएको छ ।

ग्याँसबाट चल्ने सवारी साधनमा १ रुपैयाँ ७५ पैसा वृद्धि गरेर ९ रुपैयाँ लिदै आएको स्थानमा ११ रुपैया लिने सहमति बनको छ भने विमानस्थलका लागि सुरुको ५ किलोमिटरमा ३ सय र प्रतिकिलोमिटर ८० रुपैयाँ तोक्ने सहमति बनेको छ ।

यी सम्पूर्ण भाडादर भोलि वुधवारदेखि लागू हुने जनाइएको छ ।