चुनावका लागि पौने तीन अर्वको बजेट

by raju Fri Feb 1, 2008 4:00 pm NST

निर्वाचन आयोगले चैत २८ गते चुनाव सम्पन्न गराउन २ अर्व ७३ करोड ४० लाख रुपैयाँको अनुमानित बजेट सार्वजनिक गरेको छ । निर्वाचन आयोगका प्रमुख आयुक्त भोजराज पोखरेलले नेपालस्थित दातृ निकायका प्रतिनिधिसँग गरेको छलफलमा चुनावी बजेट सार्वजनिक गरेको हो ।

आयोगले चुनावका लागि गरेको तयारीका वारेमा पनि दातृ निकायका प्रतिनिधिहरुलाई जानकारी गराईएको थियो । दातृराष्ट्रका प्रतिनिधिहरुलाई चैत २८ गते चुनाव हुनेमा शंका नर्गन पनि प्रमुख आयुक्त पोख्रेलले आश्वस्त पार्नुभएको छ । निर्वाचन आयोगले चुनाका लागि सबै तयारी पूरा गरिसकेको बताउँदै प्रमुख निर्वाच्ान आयुक्त पोखरेलले दातृराष्ट्रका प्रतिनिधिहरुलाई चुनावी सहयोग मँग्न भने नवोलाइएको स्पष्ट पार्नुभयो । तराइ समस्या समाधानको लागि सबै राजनीतिक दल प्रतिवद्ध भएर लाग्नु पर्ने प्रमुख आयुक्त पोखरेलको भनाइ छ । संयुक्त राष्ट्रसंघीय मिसन अनमिन प्रमुख इयान मार्टिनले नेपालको शान्ति प्रकि्रयामा सहयोग गर्न सबै दातृराष्ट्र इच्छुक भएको बताउनु भयो । दिगो शान्तिको लागि चुनाव बाहेक अर्को बिकल्प नरहेको बताउँदै चैत २८ मा चुनाव हुनेमा अन्तरराष्ट्रिय समुदाय बिश्वस्त रहेको जानकारी पनि मार्टिनले दिनुभयो ।

निर्वाचन अयोगले चुनावको तयारी अन्तिम चरणमा पुगेको जनाएको छ । सुरक्षाकर्मी बाहेकका चुनावी कार्यक्रमका लागि २ लाख ४० हजार कर्मचारी र स्वयंसेवक खटिने भएका छन् । प्राप्त जानकारी अनुसार १७ वटा ग्रामीण क्षेत्रका जिल्लामा हेलिकेप्टर प्रयोग गरिनेछ । चुनावको नेपालका एक सय ४८ संघ संस्थाले अनुगमन गर्ने बताइएको छ । कार्टर सेन्टर लगायत अन्य बिदेशी संघसस्थाले पनि चुनावको अनुगमन गर्न पाउने आयोगले जानकारी दिएको छ ।